Gjarpri dhe heronj të tjerë, Bashkim Shehu

Title: Gjarpri dhe heronj të tjerë
Original: Gjarpri dhe heronj të tjerë
Category: Novel
Author: Bashkim Shehu
Publisher: Toena
Year: 2004
Pgs: 312
Weight: 0.34 kg
ISBN: 999271880 3


Mbi librin


Një ekip i vogël i një televizioni privat perëndimor mbërrin në Shqipëri për një reportazh mbi gjendjen e gruas në fillimet  shekulli XXI në këtë vend. Nis një aventurë erotike – plot peripeci, tensione, ambiguitete – midis drejtueses së ekipit televiziv, një gazetare që është edhe militante e një organizate feministe, dhe shoqëruesit vendas, njeri i letrave që vuan nga ndjenja e “shkrimtarit të dështuar”, tani rrëfenjës në vetën e parë:

Vendosa, më së fundi, të shkruaj rrëfenjën e vuajtjeve të mia, vuajtje të shkaktuara nga një ndërlikim sentimental dhe të ndërthurrura me shfaqjen e një shenjtoreje dhe sozisë së Adolf Hitlerit.

Në këtë fjali të parë gjendet si në një embrion tematika që do të shtjellohet gjatë romanit, si dhe tonaliteti i tij, humor dhe dhumbje.

Në një momend të caktuar të historisë erotike, shfaqet dhe filon e shpaloset paralelisht bota e shenjtores, një shëronjëse që pretendon të frymojë realitete të përtejme. Nuk është thjesht një mashtruese: etja materjaliste për para është pjesë e një marrëzie që ushqehet në mënyrë të ccuditshme nga burime të ndryshme apo edhe nga të kundërta mistiko-fetare.

Është një marrëzi që, dashur padashur, hedh dritë mbi ndërlikimet erotike të protagonistëve, mbi karakterin e dyfishtë të ndjenjave dhe motivimeve njerëzore, që nga ato më intimet, deri te idealet më të mëdha, duke e orientuar rrëfimin në një udhëtim të papërfunduar drejt viseve të errëta e të panjohura të shpirtit.