Title: Chanel, një jetë si një përrallë
Original: Chanel
Category: Biography
Author: Alfonso Signorini
Albanian translator: Albana Nexhipi
Publisher: Dudaj
Year: 2010
Pgs. 237
Weight: 0. 62 kg
ISBN: 978-99943-0-150-8
Mbi librin
"Chanel, një jetë si një përrallë" Coco Chanel-i, që bota zgjodhi si mbretëreshë të shijes, si muzë të bukurisë, bekuar prej sukseseve absolute, është protagoniste e një epoke dramatike, që fitoi dhe luftoi kundër brutalitetit të një bote, të një shekulli. Kuriozitet i vetevetishëm, frikë përpirëse që të ndjek, që të bën të vraposh.
Një dëshirë hijeshie e bukurie, që arrijnë të shërojnë një adoleshencë të shpërfytyruar prej trishtimi. në bebet e shndritshme të syve të kësaj vajze të paqetë, Signorini lexon synimet e Coco-s për të ardhmen, drithërimën e ankthit që vogëlushja Gabrielle ndjen mbi lëkurë, zjarrin e fshehtë që e djeg përbrenda.
Edhe vepra pushtohet prej këtyre perceptimeve. Sensualiteti dhe pasioni pa pushim, po ato që Coco-ja i mishëron edhe te veshjet, kapelat dhe aromat e pangatërrueshme të parfumit të saj. Por shohim edhe një Gabrielle të buzëqeshur e të hijshme, që në Cafe Chantant këndon "Kush pa Coco-n në Trokadero" çka i dhuroi "kafshatën e parë të suksesit" dhe pagëzimin me emrin aq të famshëm artistik:Coco. Krenari, këmbëngulje, ambicie, vështrim drejt horizonteve të largëta, talenti i Coco-s nis të bëjë përpara.
Rrobaqepësja nga fshati, por me ide "tepër të guximshme", vajza e hijshme e veshur si mashkull, takon Boy Chapel-in dhe ndien menjëherë për të. Boy hyn vrullshëm në ditët e palumtura të Coco-s. E ndihmon të gjejë rrugën e duhur, të dhërohet nga mosbesimi. Lind Coco Chanel. Coco-ja që triumfon në botën e modës me krijimet e veta plot fantazi e plot sharm. Coco-ja me fitime tejet të mëdha e me miq të famshëm:Stravinskij, Cocteau, Picasso.
E më tej Coco-ja vizionare, ndoshta ambicioze më shumë se ç'mund të realizonte, që në klimën e turbullt të fundit të luftës arrin të mendojë e të propozojë një paqe që mund të negociohet mes Parisit dhe Berlinit.
Ky libër rrëfen një talent të mrekullueshëm, lindur pa privilegje, në luftë me sfidat e veta, synimet, dramat familjare, tragjeditë e kohës. Një jetë e Coco-s, e Gabrielles, në të cilën Signorini futet me shkathtësi e xhentilesë, derisa arrin të kapë anët e karakterit, ndjenjat e thella, krijueshmërinë magjepsëse.
Mbi autorin
Alfonso Signorini është diplomuar për filologji mesjetare në Universitetin Katolik të Milanos. Është drejtor i "Chi"-së e "Tv Sorrisi e Canzoni". Me Mondador-in ka botuar "Sinjorini" (2006) dhe "Tepër krenare dhe tepër e brishtë".
