Tre libra me 20 % ulje

 Vajzat pa emër- Jetët e tri të rejave do të përplasen kur ndodh e paimagjinueshmja dhe Kasia përfundon në kampin famëkeq nazist të përqendrimit, "Ravensbryk". Atje, emri i saj dhe i të gjitha bashkëvuajtëseve të saj, do të harrohet, duke u zëvendësuar me një numër... Pas luftës, Karolina dhe Kasia do të kërkojnë pareshtur të bëhet drejtësi për ato gra e vajza, të cilat historia i ka harruar... Peripecitë e tyre do të përshkojnë kontinente: nga Nju-Jorku në Paris, Gjermani dhe Poloni. Një histori që të mbërthen deri në faqen e fundit, në kërkim të së vërtetës.

Kur mbylla sytë- Një lojë symbyllazi me vajzën do të kthehet në makthin më të keq për një prind. Ela, vogëlushja e shkathët dhe e zgjuar zhduket pa lënë gjurmë. Policia, media dhe familja kujtojnë se e dinë kush mund ta ketë rrëmbyer, por po sikur krimineli i vërtetë të mos jetë një i huaj? Po sikur ai të jetë i bindur se po bën gjënë e duhur me vogëlushen?

Gruaja në dritare- Ana Foks jeton e vetme në shtëpinë e saj në Nju Jork, pa guxuar të hedhë këmbën jashtë saj. Ajo e kalon ditën duke pirë verë (ndoshta duke e tepruar pak), duke parë filma të vjetër, duke kujtuar kohët e vjetra dhe… duke spiunuar fqinjët… Derisa në shtëpinë përballë shpërngulet familja Rasëll, e përbërë nga nëna, babai dhe djali i tyre adoleshent.