Title: Keqkuptimi & Balloja
Original: Le malentendu & Le Bal
Category: Novel
Author: Irène Némirovsky
Albanian translator: Nasi Lera
Publisher: Dituria
Year: 2014
Pgs. 200
Weight: 0.301 kg.
ISBN: 978-9928-103-91-8
1. Letërsia franceze 2. Holokausti 3. Irène Némirovsky 4. Nasi Lera
Mbi librin
"Keqkuptimi" u botua më 1930 kur Irène Némirovsky ishte vetëm 27 vjeç. Ngjarjet zhvillohen në Paris pas Luftës së Parë Botërore. Iv Harteluja, pinjoll i një familjeje të pasur të rënë nga vakti, i vrarë shpirtërisht nga lufta, gjatë pushimeve në bregdet dashurohet me Denizën, grua e martuar në mjedisin e tij të dikurshëm.
Deniza e dashuron dhe jeton vetëm për të. Por, kur Ivi bëhet përherë e më shumë i trishtuar dhe i pakapshëm, ajo pranon, si për të shkuar kohën, shoqërinë e dikujt tjetër dhe humb përfundimisht atë që do.
Sapo u botua më 1930, "Balloja" u përshëndet si kryevepër. Bashkëshortët Alfred dhe Rozinë Kampf, të pasuruar rrufeshëm falë spekulimeve financiare, ëndërrojnë të zënë një vend më të dukshëm në shoqërinë pariziene. Ata organizojnë një ballo madhështore për mbarë Parisin, që t'u dëgjohet zëri falë parasë.
Vajza ëndërron të veshë fustane përshkënditëse që do të tërheqin vëmendjen, kurse e ëma e ndalon të marrë pjesë në mbrëmje. Afresku i pamëshirshëm i meskinitetit të klasës së padronëve të rinj në Francën midis dy luftërave botërore ushqehet nga përplasja midis një nëne, që nuk do të pranojë se e bija është rritur, dhe një vajzë që, në rrugëtimin e vështirë për të fituar me feminitetin e saj, hidhet në një përleshje të egër me të ëmën.
Komente mbi librin
"Keqkuptimi është shumë më tepër se një roman romantik. Me sy të mprehtë kritik dhe një perceptim të veçantë për kufijtë e gabuar në marrëdhëniet njerëzore, edhe ky roman i Irène Némirovsky-t tregon shenja të sigurta se ajo do të bëhej një shkrimtare brilante."
The Guardian
"Balloja u ngjan si novelave të Mopasanit, ashtu edhe romaneve të Balzakut, me përjashtim të fundit të tyre, ku mungesa e padurueshme e ndjenjave duket sikur ka nxitur një tundim që autorja mund të ketë pasur për të përmbushur një lloj marrëveshjeje."
The New York Times
"Vepra e parë e Irene Nemirovskit, Keqkuptimi ka të gjitha elementet që zhvillohen më tej në veprat e tjera: dashurine fizike, pasionin, gra dhe burra që dashurojnë shumë, çekuilibrim mes gjendjes ekonomike dhe statusit social kundrejt dëshirave, ambicie dhe iluzione. Sa e zonja është, Irene, sa sublime është në trajtimin e drejtpërdrejtë dhe në plotësi të karaktereve. Çfarë ndjeshmërie kirurgjikale në përshkrimin e momenteve, dialogjeve. Është gjithmonë një kënaqësi të marrësh një libër nga Irene, është gjithmonë një mëkat i madh kur e mbaron atë."
Patrizia Balit
Fragment nga libri
Nëse ndonjë nuk do të pranojë të vijë, do ta ftosh përsëri herën tjetër dhe, përsëri herën që vjen pas... Do të dish të vërtetën? Në fund të fundit, për të çarë para në shoqëri nuk duhet të ndjekësh fjalë për fjalë moralin e Ungjillit...
- Çfarë?
- Po të dhanë një shuplakë në njërën faqe, zgjat edhe faqen tjetër... Shoqëria është shkolla më e mirë e përunjësisë së krishterë.
