Luani dhe njëbrirëshi dhe ese të tjera, George Orwell

Title: Luani dhe njëbrirëshi dhe ese të tjera

Author: George Orwell

Translator: Gjergj Erebara

Publisher: Shtëpia e Librit

Year: 2022

f. 204

Weight: 0.2 kg

ISBN: 978-9928-4728-0-9

This book is in Albanianhttps://www.shtepiaelibrit.com/store/sq/185-gjergj-erebara

Mbi librin

Ky libër sjell një përmbledhje të eseve të shkrimtarit britanik George Orwell, të shkruara mes viteve 1936 dhe 1946. Eseja Luani dhe njëbrirëshi u shkrua në një kohë kur Britania e Madhe po luftonte dëshpërimisht dhe pothuajse krejt vetëm përballë Gjermanisë Naziste. Kjo është eseja në të cilën Orwell jep disa nga përkufizimet më të mprehta mbi fashizmin, komunizmin dhe demokracinë, si dhe shpalos pikëpamjet e tij për “Socializmin Demokratik” ndërsa jep një pasqyrë konçize të Britanisë së Madhe, të karakteristikave kombëtare si dhe të rolit të saj si fuqi perandorake. 

Esetë e tjera, Të vrasësh një elefant, Kujtime nga libraria, Kufijtë e artit dhe propagandës, Letërsia dhe totalitarizmi, Parandalimi i letërsisë, Shpirti sportiv, Çfarë është fashizmi? dhe Ti dhe bomba atomike vijojnë të mbeten të shumëlexuara dhe të shumëcituara në të gjithë botën. 

Kopertina e pasme

...një aeroplan bombardues është i barabartë në çmim me pesëdhjetë autovetura të vogla, ose tetëdhjetë mijë palë çorape mëndafshi, apo një milion bukë. Dukshëm nuk është e mundur të kesh shumë avionë bombardues pa e ulur standardin kombëtar të jetesës. Luani dhe njëbrirëshi

Ja ku isha unë, njeriu i bardhë me pushkën e tij, duke qëndruar para një turme vendasish të paarmatosur, në dukje aktori kryesor në skenë; por në realitet unë isha vetëm një kukull absurde, që shtyhesha para e pas nga vullneti i këtyre fytyrave të verdha. Perceptova në këtë çast se kur njeriu i bardhë kthehet në tiran, është liria e atij vetë ajo që shkatërrohet. Të vrasësh një elefant

...epokat në të cilat arma dominuese është e shtrenjtë, ose e vështirë për t’u prodhuar, do të jenë epoka të despotizmit, ndërsa ato në të cilat arma dominuese është e lirë dhe e thjeshtë, njerëzit e zakonshëm do të kenë një mundësi. Ti dhe bomba atomike

Një shoqëri totalitare e suksesshme ka gjasa të krijojë një sistem mendimi skizofrenik, në të cilin, ligjet e arsyes së gjithëpranuar që konsiderohen si të vlefshme në jetën e përditshme dhe në disa shkenca ekzakte të caktuara, mund të injorohen nga politikanët, nga historianët dhe nga sociologët. Parandalimi i letërsisë

Kushdo që ndien vlerën e letërsisë, kushdo që sheh rolin qendror që ajo luan në zhvillimin e historisë njerëzore, duhet gjithashtu të shohë nevojën për t’i rezistuar totalitarizmit si një çështje jete apo vdekje, pavarësisht nëse totalitarizmi na imponohet ne apo jo. Letërsia dhe totalitarizmi