Title: Më përfytyrohesh
Original: Më përfytyrohesh
Category: Short stories
Author: Anisa Markarian
Publisher: Shtëpia e Librit
Publication date: 12 November, 2024
Pgs: 214
Weight: 0.26 kg
ISBN: 9789928479181
This book is in Albanian
Kopertina e pasme
Më josh befasia. Në jetë e në art. Përmbysjet e thella dhe kthesat e befta janë duhia që spastron shtegun e kthjellon horizontin.
Fjala "befas" më këndell. I jep rrëfimit letrar një zhvillim të paparashikuar. Madje, ndonjëherë, shënon pikën e moskthimit. Ç'rridhte qetësisht e ëmbëlsisht, befas zhurmon e përshpejtohet. Dashuria sublime venitet, pushteti absolut shkërmoqet, bindjet lëkunden, boshti i Tokës zhvendoset...
Befasi e bekuar!
Gjithkujt, që ka ruajtur të pacenuar dhuntinë e lakmueshme për t’u befasuar, mirë u (ri)gjetshim rreshtave të librit!
Mbi autoren
Lindur në Tiranë më 4 korrik 1962, Anisa Markarian është mjeke, shkrimtare, aktore dhe skenariste.
Studimet e larta për Mjekësi i ka kryer në Shqipëri e Itali dhe, që prej tri dekadash, jeton e punon në Francë.
Talentin aktorial e shprehu në moshë fare të re duke u aktivizuar në grupet teatrale amatore e më pas në kinematografi ku, krahas interpretimit të roleve, shkruante edhe skenarë.
Veprimtarinë letrare e nisi në fillim të viteve '80 me botimin e disa cikleve me poezi të pasuara nga krijime në prozë të shkurtër, të botuara në shtypin e kohës dhe në dy antologji kombëtare.
Që në tregimet e saj të para ndihej prirja drejt realizmit magjik, që do të kristalizohej me një shqipe të përkorë në romanin “15 ditë prilli” dhe në librat e mëpasshëm.
Përmbledhja me tregime “Më përfytyrohesh...” pasqyron jo vetëm botën e brendshme të autores, humorin e saj të hollë, aftësinë e vëzhgimit kritik dhe të zbërthimit të psikologjisë së personazheve, por edhe shqetësimet e një qytetareje, artisteje e profesionisteje, që jeton me epokën e saj.
