Title: Jeto për ta treguar (hard cover)
Original: Vivir para contarla
Category: Memories
Author: Gabriel García Márquez
Albanian translator: Bashkim Shehu
Publisher: Onufri
Year: 2016
Pgs: 536
Weight: 0.985 kg.
ISBN: 978-9928-226-15-0
Kategoritë: 1. Letërsia botërore 2. Letërsia hispanike 3. Nobelistët 4. Gabriel García Marquez 5. Bashkim Shehu
Mbi librin
Në këtë vëllim të parë të trilogjisë së planifikuar, Gabriel García Márquez, nis të tregojë historinë e jetës së tij. Jeto për ta treguar, përfshin jetën e Márquez, nga lindja në vitin 1927, te fillimi i karrierës si shkrimtar, e më pas në vitet 50', kur i propozoi gruas e cila do të bëhej bashkëshortja e tij.
Është një tregim për njerëzit, vendet dhe ngjarjet, ashtu siç i kanë ndodhur: familja, puna, politika, librat dhe muzika, Kolumbia e tij e dashur, episode nga jeta e tij, të pathëna deri tani, dhe incidente të cilat më vonë do të shfaqeshin, të shndërruara dhe të përfshira në letërsinë e tij.
Një autobiografi e detajuar, e jashtëzakonshme dhe magjepsëse, që na sjell formimin e Márquez si shkrimtar dhe si njeri.
Mbi autorin
Gabriel Josè De La García Márquez është romancier, prozator, skenarist dhe gazetar. Shpesh i njohur si "Gabo" në vendlindjen e tij, është konsideruar si një nga autorët më të rëndësishëm të shekullit të XX – të. Në vitin 1982, atij iu dha Çmimi Nobel në Letërsi.
Ai studioi në Universitetin e Bogotá – s dhe më vonë punoi si reporter për gazetën kolumbiane, El Espectador, dhe si korrespondent i huaj në Romë, Paris, Barcelonë, Caracas dhe New York.
Ai shkroi shumë vepra, por më shumë njihet për romanet e tij si "Njëqind vjet vetmi" (1967) dhe "Dashuria në kohërat e kolerës" (1985). Veprat e tij kanë marrë vlerësim të madh nga kritikët dhe kanë arritur një sukses komercial botëror, prej popullarizimit të stilit letrar të njohur si realizmi magjik, i cili përdor elementë dhe ngjarje magjike, për të shpjeguar përvojat e vërteta jetësore.
Disa nga veprat e tij vendosen në një fshat të trilluar me emrin Macondo dhe pjesa më e madhe e tyre trajtojnë motivin e vetmisë.
