• Kreu
  • /
  • Blog
  • /
  • Si të gjej librin që kërkoj ?

Si të gjej librin që kërkoj ?

Nga: Admin30 Prill, 2008

Me rritjen e numrit të librave të publikuar (aktualisht mbi 7,000 tituj), si dhe rritjen e numrit të vizitave në faqen tonë, rrjedhimisht rritet edhe nevoja për të gjetur sa më lehtësisht librin apo autorin që ju dëshironi. Për këtë arsye ne ju ofrojmë disa mënyra si më poshtë:

Kategoritë dhe nën-kategoritë

Shtëpia e Librit është e organizuar në kategori librash si p.sh.: letërsia shqiptare, letërsia botërore, libra për fëmijë, etj, dhe brenda tyre me nën-kategori si: romane, revista letrare, tregime & novela, biografi & kujtime, etj. Kjo është edhe mënyra bazë se si ju mund të krijoni një ide më të qartë të librave që ne disponojmë si dhe mund të orientoheni më kollaj për të gjetur atë që kërkoni.

Mënyra kryesore e kërkimit

Motori i

brendshëm i kërkimit në një faqe interneti si kjo e jona nuk është inteligjent siç është motori i kërkimit google apo të ngjashëm. Për këtë arsye, nëse kërkoni një term të përgjithshëm, fjala vjen, Shqipëria, ka gjasa që rezultatet do të jenë të shumta dhe libri i kërkuar nuk do t’ju shfaqet i pari. Por nëse kërkoni me mbiemrin e autorit, fjala vjen, Kadare, apo Coelho, gjasat janë që do t’ju shfaqen vetëm postimet e këtyre shkrimtarëve, nga ku do të mund të përzgjidhni librin e dëshiruar. Për emrat e shkrimtarëve të huaj, në shumicën e rasteve nuk ka rëndësi nëse kërkoni siç shqiptohen apo siç shkruhen. Nëse kërkoni Heminguej do t’ju shfaqen të gjitha librat e Hemingway pavarësisht se si është shkruar në libër.

Ju mund të lundroni edhe përmes kuadratit të autorëve në kolonën e djathtë poshtë kategorive, për të shfaqur librat nga një autor i caktuar.

Si te kerkojme per libra
Faqja jonë ju lejon të kërkoni duke përdorur motorin e brendshëm të kërkimit. Mjafton të shkruani titullin, autorin apo një pjesë të titullit të librit që kërkoni dhe menjëherë do t’ju shfaqen rezultatet sipas përmbajtjes së vetë faqes.

Nëse në çdo rast nuk gjeni atë që kërkoni, mos nguroni të na kontaktoni direkt me email (admin @ shtepiaelibrt.com)

Titujt e postimeve te Blogu

Pavarësisht se Blogu funksionon i ndarë nga sistemi i Shtëpisë së Librit, ne kemi gjetur një mënyrë për ta integruar atë me faqen e parë të dyqanit. Dhe konkretisht, në krahun e djathtë, ju do keni mundësinë të klikoni mbi titujt e fundit të postimeve që ne vendosim në Blog. Gjithsesi, nëse dëshironi të informoheni rregullisht për të zhvillimet dhe të rejat te Shtëpia e Librit, ne ju sugjerojmë të abonoheni nëpërmjet shërbimit tonë me Email.

Përditësuar më: 2 nëntor 2020

4 hapa si te porosisni libraP.S. Udhëzuesit tanë!

Gjithashtu ju ftojmë të shfletoni edhe udhëzuesit tanë mbi mënyrën e porositjes dhe pagesës për librat.

{"email":"Email address invalid","url":"Website address invalid","required":"Required field missing"}


Gjithashtu mund të lexoni

Benedict de Spinoza – biografi e shkurtër

Joshja e romanit Mosha e pafajësisë Edith Wharton

Të rejat nga bota e librit, shtator 2020

Sa para mund të fitohet duke shkruar libra?