Një njeri kthehet në një qytezë ku një vrasje habitëse kishte ndodhur njëzet e shtatë vjet më parë, i vendosur që të zbërthejë rrethanat.
Vetëm pak orë pasi u martua me bukuroshen Anxhela Vikario, të gjithë bien dakord se Bajardo San Roman e ktheu nusen të turpëruar te prindërit. Familja, nën tension, detyron atë të tregojë emrin e të dashurit të vet të parë; pas kësaj, vëllezërit e saj binjakë shpallin qëllimin që të vrasin Santiago Nasarin për çështje nderi.
Megjithatë, ndërsa shumë mësuan planin e vëllezërve për vrasje, si ndodhi që askush nuk ndërhyri për të parandaluar vrasjen? Sa më shumë mësoi ai, aq më pak arrinte të kuptonte. Ndërsa historia vrapon drejt fundit të vet të pashpjegueshëm, e gjithë shoqëria dhe jo vetëm dy vrasësit, vihen nën akuzë.
Kronikë e një vdekjeje të paralajmëruar nga Gabriel Garsia Marquez është sjellë në shqip nga Aurel Plasari
Vizitoni www.shtepiaelibrit.com për t’u njohur me botimet më të fundit të librave në shqip.