Federico Garcia Lorca (1898 – 1936)
Baladë e vogël e tre lumenjve
Lumi Guadalkivir
Rrjedh mes portokalleve dhe ullinjve
Të dy lumenjtë e Granadës
Zbresin nga dëbora në grurë
Eh, dashuri,
Ike dhe s’u ktheve!
Lumi Guadalkivir
Mjekër breshëri ka
Të dy lumenjtë e Granadës
Njëri vajtim e tjetri gjak
Eh, dashuri,
Ike dhe s’u ktheve!
Për varkat me vela
Një rrugë ka Sevilja
Nëpër ujrat e Granadës
vetëm psherëtimat vozitin
Eh, dashuri,
Ike dhe s’u ktheve!
Guadalkiviri, kullë e lartë
E erës në portokallishte
Dauri dhe Genili, rrëkeza
të vdekura mbi pellgje
Eh, dashuri,
Ike dhe s’u ktheve!
E kush mund të thotë që uji sjell
një zjarr të ccmendur thirrjesh?
Eh, dashuri,
Ike dhe s’u ktheve!
Sill lule portokalli e sill ullinj
O Andaluzi, për detet e tu.
Eh, dashuri,
Ike dhe s’u ktheve!
Shqipëruar nga Petro Marko