Librat & autorët më të shitur për vitin 2009
Nisur nga suksesi i vjetshëm ku lista jonë e librave më të shitur gjatë vitit 2008 ngjalli mjaft interes, vendosëm ta përsërisim eksperiencën dhe ta bëjmë atë traditë.
Viti 2009 ishte një vit i vështirë për mjaft njerëz dhe biznese në të gjithë botën, por ajo që ne mundëm të vëzhgojmë ishte fakti se dëshira e lexuesve shqipfolës i bëri ballë kësaj sfide.
Paraprakisht, ju sqarojmë se lista e librave më të shitur për vitin 2009 ju ofron titujt dhe autorët që klientët tanë (jashtë dhe brenda vendit) përzgjodhën gjatë vitit 2009. Për t’ju orientuar më mirë, kjo listë është e ndarë sipas kategorive kryesore: letërsia shqiptare, letërsia botërore, letërsia për fëmijë, historia & aktualiteti, filozofia & sociologjia, libra të tjerë. Gjithashtu këtë vit kemi shtuar edhe kategoritë për: autorët shqiptarë dhe autorët e huaj më të kërkuar.
Letërsia shqiptare 2009
- Darka e gabuar, Ismail Kadare (edhe për 2008-ën)
- Ali Pashë Tepelena, Sabri Godo
- E penguara, Requiem për Linda B. Ismail Kadare
- Funerali i pafundme, Visar Zhiti
- Bolero në vilën e pleqve, Fatos Kongoli
- Ca pika shiu ranë mbi qelq, Ismail Kadare
- Princesha Argjiro, Ismail Kadare
- Gjenerali i ushtrisë së vdekur, Ismail Kadare
- Histori kurrë e shkrueme, At Zef Pllumi
- Preja e një martese të lodhur, Rudina Xhunga
Letërsia botërore në shqip 2009
- Engjëj dhe Djaj, Dan Brown
- Kush e sundon botën? Jim Mars
- Getsbi i Madh, Frensis Skot Ficxherald
- Gjuetari i balonave, Khaled Hosseini
- Harry Potter dhe dhoma e të fshehtave, J.K. Rowling
- Jeta e re, Orhan Pamuk
- Kodi Da Vinci, Dan Brown
- Lufta dhe paqja, Leon N. Tolstoj
- Bija e heshtjes, Kim Edwards
- Don Kishoti i Mances I & II, Miguel de Cervantes Saavedra
Letërsia për fëmijë 2009
- Harry Potter dhe guri filozofal, J.K. Rowling
- Ariu artist, Gaqo Bushaka
- Tregime të motshme shqiptare, Mitrush Kuteli
- Aladini dhe llampa magjike, Judith Dean
- Çufoja dhe Bubi Kacurrel, Gaqo Bushaka
- Legjenda e kalorësit të Skënderbeut, Gaqo Bushaka
- Na ishte një herë, Vëllezërit Grimm
- Seria e aventurave të Çufos (4 libra)
- Harry Potter dhe i burgosuri i Azkabanit, J.K. Rowling
- Harry Potter dhe dhoma e të fshehtave, J.K. Rowling
Historia & Aktualiteti 2009
- Identiteti Europian i Shqiptarëve, Ismail Kadare
- Rrno vetëm për me tregue, At Zef Pllumi
- Skenderbeu, Oliver Jens Schmitt
- Zonja e Zezë Nexhmije Hoxha, Fahri Balliu
- CIA, historia e shërbimeve sekrete, Mario Del Pero
- Kosova, një histori e shkurtër, Noel Malcolm
- Misioni Amerikan në Shqipëri, Peter Lukas
- Rrumpalla, Peter Lukas
- Shërbimi sekret shqiptar, Kastriot Dervishi
- Arvanitasit, dhe prejardhja e grekëve, Aristidh P. Kola
Filozofia & Psikologjia 2009
- Këshilla për jetën, Arthur Shopenhauer
- Si të sillemi me njerëzit, Dale Carnegie
- Adam Smith, Pasuria e kombeve, Helen Winter, Thomas Rommel
- Psikologjia e suksesit 3, Dale Carnegie
- Arti i të jetuarit, Artur Shopenhauer
- Ngushëllimet e filozofisë, Alain De Botton
- Si të sillemi me gratë, Artur Shopenhauer
- Aristoteli, Marjorie Grene
- Filozifi i Paditur, Volter
- Filozofia Politike, Një hyrje e shkurtër, David Miller
Libra të tjerë (utlitarë dhe studimorë) 2009
- Let’s Learn Albanian, A Comprehensive Course of Albanian
- Fjalor Etimologjik i gjuhës shqipe, Gustav Meyer
- 22 ligjet e pandryshueshme të marketingut
- Albanian Verbs, The Art of Conjugation
- Fjalë të urta të njerëzve të mëdhenj, Mbledhur nga Arian Puto
- Hyrje në Indoeuropianistikë, Eqrem Cabej
- Shqipja në kapërcyell, Eqrem Cabej
- Njerëzit e shquar të antikitetit, Ralda Forzin, Beverley Tavio
- Gjuha angleze për të gjithë, David Hicks, Batjar Bega
- Shqiptarët – nga mesjeta deri në ditët tona, Peter Bartl
Autorët më të kërkuar 2009
| Autorët shqiptarë 2009 | Autorët e huaj në shqip 2009 |
Burimi: ShtepiaeLibrit.com – vendi ku mund të rilidheni me librin shqip.
Nëse e përdorni këtë informacion, ju lutem citoni burimin.
Faleminderit, Administratoret.
Sondazhi: Ja pse i vlerësojmë përshtypjet tuaja!
Përshëndetje miq të librit,
Në radhë të parë dëshirojmë të falenderojmë të gjithë ata prej jush që morën pjesë në sondazhin e fundit i cili synonte të mblidhte vlerësim dhe sugjerimet tuaja për përmirësimin e shërbimit tonë. E themi me kënaqësi që komentet tuaja ishin mjaft pozitive, por ajo që vlerësojmë edhe më shumë ishin sugjerimet konkrete për gjërat që duhen përmirësuar.
Rezultatet e sondazhit
Një nga rezultatet që na kuriozoi ishte fakti se përqindja e meshkujve dhe femrave që morën pjesë në këtë sondazh ishte pothuajse e barabartë me një diferencë shumë të vogël ku 52% ishin femra dhe 48% meshkuj. Ky tregues reflekton sado pak edhe mbi faktin që libri lexohet pothuajse njësoj nga të dyja gjinitë.
Ndërkohë pyetjes tonë se sa prej vizitorëve tanë ishin të rregullt, mbi 50% iu përgjigjën pozitivisht ndërsa vizitorët e rastësishëm përbënin vetëm 13%. Klientët që kanë porositur vetëm një herë ishin 13% ndërsa ata që kanë porositur disa herë ishin 15%, që për ne është vlerësim pasi tregon që klientët tanë besojnë në shërbimin që ofrojmë dhe për këtë jemi mjaft mirënjohës. Lexo vazhdimin >>>
“Kloroform” i Klara Budës, një libër i munguar
Romani “Kloroform” i autores Klara Buda na bën të besojmë se romancieret shqiptare janë fenomeni më i fundit premtues i ringjalljes së letërsisë së vendit të vogël ballkanik. Tek lexon këtë roman, nuk ke se si të mos kujtohesh për librat e Kunderës a për “El seor Presidente” të Migel Angel Asturias.
Është autopsia e një sistemi totalitar, dhe vetë libri riprodhon një realitet të vrazhdë që shkon herë-herë deri në makabritet. Por, realiteti totalitar i përshkruar nga një femër është një grafikë që fsheh nënshtresat e ngjyrave të ngrohta të impresionistëve. Lexo vazhdimin >>>
Si mund të porosisni libra nga Shqipëria?
Përshëndetje miq të librit,
Duke qenë se ShtepiaeLibrit.com funksionon si një katalog virtual me libra shqip që ju mund ti porosisnia direkt nga interneti, është detyrimi ynë t’ju ofrojmë mënyra sa më praktike për ta bërë këtë.
Konkretisht, ne ofrojmë dy mënyra kryesore pagesash të cilat janë si më poshtë:
- Duke paguar për to me PayPal ose kartat Visa, MasterCard, Discover ose American Express.
- Duke paguar me transfertë bankare ose postare.
Mënyra e dytë e porositjes është disi më e përshtatshme për klientët tanë në Shqipëri, prandaj edhe po i shpjegojmë hapat si më poshtë:
- Vendosni për librin që dëshironi të porosisni, më pas
- Na dërgoni titullin me email dhe adresën tuaj të saktë
- Prisni t’ju njoftojmë për a) totalin e pagesës në Lek dhe b) informacionet e pagesës me bankë
- Librat tuaj postohen ditën që verifikohet pagesa ose një ditë më vonë.
Ju kujtojmë se postimi i librave brenda Shqipërisë bëhet plotësisht FALAS për të gjitha porositë dhe sasitë e librave. Për sasi më të mëdha se 10 copë ofrojmë edhe uljet përkatëse.
Shënim: Ky postim gjendet brenda kategorisë Pagesa për librat, te Pyetje-Përgjigje ku gjithashtu do të gjeni udhëzime dhe sqarime mbi procedurat e Regjistrimit; Postës dhe Postimit; dhe Modulet.
Ndërkohë mirëpresim të gjitha sugjerimet dhe idetë që mund të keni se si ta bëjmë më të lehtë procesin e porositjes së librave brenda Shqipërisë. Na shkruani…
Ja pse i duam përshtypjet tuaja!
Në ditën e sotme kur informacioni për librat mund të merret nga shumë burime, miqtë dhe përshtypjet e atyre që i kanë lexuar vazhdojnë të mbeten ndër faktorët kryesorë për librat që ju zgjidhni të lexoni.
Këtu te ShtepiaeLibrit.com ne përpiqemi që t’ju sugjerojmë shumë libra, por njëkohësisht e dimë që jo të gjithë mund të jenë sipas nevojave tuaja prandaj vazhdimisht kërkojmë ndihmë me përshtypjet tuaja për librat që keni lexuar.
Në këtë mënyrë të gjithë kontribuojmë në gjetjen dhe zgjedhjen e librave të duhur për nevojat e gjithsecilit.
Si mund ta bëni këtë:
1. Logohuni në faqen tonë
2. Gjeni librin që keni lexuar, dhe
3. Shkruani përshtypjen tuaj…
Gjuha totalitare ushqen mendësi totalitare
Shqipja Totalitare – tipare të ligjërimit publik në Shqipërinë e viteve 1945-1990″, një vepër me të cilë Ardian Vehbiu e pajis gjuhësinë shqiptare me të parën monografi në fushë të filozofisë së ligjërimi.
Deri më tash, analizat me natyrë semantike të Ardian Vehbiut kanë shqyrtuar kryesisht stadet aktuale të repertorit gjuhësor, duke nxjerrë shpesh në pah simptomat e lëngatës nga të cilat vuan përdorimi gjuhor sot, sikundër mangësia fjalore, pasaktësia kuptimore apo huazimet e panevojshme.
Mund të thuhet me siguri se Vehbiu mbetet një cilësues aktiv e objektiv i këtyre simptomave. Mjafton të këqyret rubrika tejet e pasur e publicistikës gjuhësore të tij në shtypin e përditshëm, apo përmbledhja e zhdërvjellët “Fraktalet e shqipes” (Excipere, Çabej 2007) për të kuptuar shumësinë dhe kompleksitetin e patologjive ligjërimore të ballafaquara aty.
Natyrisht, përsa kohë ato thjesht evidentohen, kemi të bëjmë vetëm me proces receptimi, i cili, për të qenë i vijuar e funksional, do duhet ndjekur nga një stad i mëtejshëm: perceptimi. Lexo vazhdimin >>>
Romani “Thertorja Pesë”, i autorit amerikan Kurt Vonegut
Romani “Thertorja Pesë”, i autorit amerikan Kurt Vonegut, e thënë varfër, na rrëfen historinë e Bill Pelegrinit. Historia nis nga pjesa e fundit e Luftës së Dytë Botërore, ku Pelegrini zihet rob diku midis Luksemburgut dhe Gjermanisë. Nëse ndjekim rrjedhën logjike, por jo kronologjike të romanit, në të përfshihet periudha në të cilën Pelegrini transportohet nga vendkapja e deri në qytetin e Drezdenit, mrekullisë arkitekturore të asokohshme të Gjermanisë. Më pas, gjithnjë në rrjedhë logjike, kemi bombardimin e qytetit të Drezdenit nga Forcat Aleate, ku Pelegrini shpëton për mrekulli, i strehuar në një dhomë-frigorifer të nëndheshme. Pastaj kemi fundin e luftës, kthimin në shtëpi, jetën pas lufte, deri në vdekjen e personazhit. Kronologjikisht, ngjarja është disi më ndryshe. Në të vërtetë, në rrjedhën kronologjike të personazhit kryesor ka ndodhur një çrregullim. Siç thuhet në rreshtin e parë të kapitullit të parë të rrëfimit:
“Bill Pelegrini është shqitur nga koha.
Billi ra të flinte teksa ishte një i ve i shkarë dhe u zgjua në ditën e dasmës. Eci përmes një dere në vitin 1955 dhe doli nga një tjetër në 1941-shin. U kthye pas nga ajo derë, për ta gjetur veten në 1963-shin. Ka parë lindjen dhe vdekjen e tij disa herë, thotë ai, dhe i bën vizita të rastësishme gjithë ngjarjeve të tjera midis këtyre të dyjave.
Thotë ai.” Lexo vazhdimin >>>
Vlerësoni shërbimin tonë!
Përshëndetje miq të librit,
së fundmi kemi përgatitur një sondazh i cili ka për qëllim të mbledhë përshtypjet dhe sugjerimet tuaja për shërbimin tonë, me synim përmirësimin e mëtejshëm.
Sondazhi përmban 4 pyetje dhe kërkon vetëm 2 minuta nga koha juaj (klikoni imazhin).