“Darka e Gabuar”, romani më i ri i Kadaresë
Që nga dita kur ushtria italiane u shpërbë, në vjeshtën e vitit 1943, deri në vdekjen e Stalinit, dhjetë vite më vonë, Shqipëria përjetoi ndryshimet më drastike të imagjinueshme. Ngjarjet e përjetuara në atë kohë, treguar nga rrugët e Gjirokastrës, nuk janë dicka e re në universin Kadarean. Katër dekada më parë, në vitin 1970, përmes romanit “Kronikë në Gur” koha e luftës përshkruhet përmes syve të një fëmije, gjithmonë nga qyteti i gurtë.
Këtë vit, shkrimtari i madh Ismail Kadare botoi romanin e tij më të ri “Darka e Gabuar”, vepër që në shumë kuptime është kronikë në gur e parë nga sytë e një të rrituri. Mënyra me të cilën qyteti e përjetoi largimin e italianëve dhe ardhjen e gjermanëve, si dhe më pas, ardhjen e komunistëve. Ky është gjithashtu romani në të cilin, Kadare jep edhe një “vlerësim” shumë krahasues mes pushtimeve italiane, gjermane si dhe ardhjes në pushtet të komunistëve.
Personazhi kryesor, doktor Gurameto i madh, që pati studiuar në Gjermani, shtron një darkë për oficerët gjermanë që erdhën nga Greqia për të marrë nën kontroll Shqipërinë. Njerëzia ngatërron tingujt e muzikës gjermane me të shtënat e mitralozëve. Doktor Gurametoja i madh, nuk do të jetë kurrë në gjendje të sqarojë arsyet e darkës. Ai kthehet në hero për disa e në armik për disa të tjerë.
“Bëje, o Zot, ëndërr!”, thoshin ata që mendonin se me hyrjen e gjermanëve në Gjirokastër, në shtator 1943, qyteti do të hidhej në erë. Kjo jo vetëm që s’ndodhi, qyteti jo vetëm që përjetoi kohën gjermanike, po si rrjedhojë ngriti historinë e shpëtuesit më të famshëm të pengjeve, doktor Gurametoja i madhi, mbi misterin e të cilit Ismail Kadare ka ndërtuar subjektin e romanit më të ri “Darka e gabuar”.
I bazuar në një ngjarje të vërtetë për të cilën qyteti ka dhënë në kohë të ndryshme interpretime të ndryshme, me personazhin e doktor Gurametos që më shumë se karakter është një belle epoque, është një njeri kohë, Kadare rimerr takimet me historinë ku i ka lënë me babazotin e “Çështjeve të marrëzisë”, kështu pra nga ajo stuhi otomane tek flladi perëndimor që i fryu Shqipërisë midis dy luftërash.
Kadare nuk është historian, nuk është as shkrimtari që shkruan për njeriun në kuptimin e thjeshtë të fjalës, për karaktere të futur rëndom brenda një dhome shpirtërore dhe sociale herë si në një dhomë parfumesh e herë tjetër gazi. Njeriu i Kadaresë është historia dhe anasjelltas.
“Darka e gabuar” lidh dy njerëz dhe dy kohë historike. Më një anë doktor Gurameton dhe komandantin e divizionit gjerman, koloneli Fritz von Schwabe, mbajtës i Kruqit të Kuq, në anë tjetër “Shqipërinë gjermanike” me atë komuniste. Kalimi “miqësor” i gjermanëve nazitë në qytetin e jugut lidhet me darkën në fjalë që patën dy miqtë e vjetër të shkollës, dhe që u bë e “gabuar” sepse fatalisht përcaktoi kthesën në jetën e personazhit.
——-
Për një listë më të plotë të librave që disponojmë kërkoni me fjalët: Ismail Kadare
Shënim: Romani “Darka e gabuar” është ndër librat më të shitur për vitin 2009 dhe librat më të shitur 2008.
Ismail Kadare mbetet autori shqiptar më i shitur për letërsinë tonë.
Postime të tjera me interes
Komentet
11 Komente te: ““Darka e Gabuar”, romani më i ri i Kadaresë”
Shkruaj nje koment
Vlerësoni shërbimin tonë!
Përshëndetje miq të librit,
së fundmi kemi përgatitur një sondazh i cili ka për qëllim të mbledhë përshtypjet dhe sugjerimet tuaja për shërbimin tonë, me synim përmirësimin e mëtejshëm.
Sondazhi përmban 4 pyetje dhe kërkon vetëm 2 minuta nga koha juaj (klikoni imazhin).
Kadare është një luftëtar i historisë. Ai është një Gladiator që la etje për konfliktin e shqiptarit me historinë dhe anasjelltas…
Eshte nje roman shume i mire.Ngjarja qe tregohet ne ket roman eshte nje ngjarje qe per mendimin tim eshte e perafert me ndodhit e luftes se fundit ne kosove.
ky roman ka karakter te veqant ne pershkrimin e figurave te dy miqeve qe percakton kohen e tyre historike.Ismail Kadare eshte nje revolucion ne letersine shqipe……….
ky roman ka shum vlftesi osht shum i bukur ka karakter e ka shkrur mir mu sipas mej me ka pelqy shum erald,qufaj.prilep,13 vjet,1996
Le te themi qe historia eshte interesante, por mund t’a kuptoje deri ne thellesi vetem nje person qe e ka perjetuar te pakten se paku kohen e ndrydhur te Shqiperise.
Personazhet shpeshhere perzihen me njeri-tjetrin neper situata, do te me pelqente me shume po te kishte filluar tregimin e nje historie te panderprere.
Lufta eshte lufta kur do qe te behet. Prandaj qe edhe historia nuk ka kohe, eshte i pershtatshem ne cdo periudhe.
Komplimente per mbylljen e romanit, e cila eshte shume e qarte dhe ne te njejten menyre gjithsecili nga lexuesit mund ta imagjinoje sipas ndjesise personale e mbresave qe mund ti kete lene i tere libri.
Me te vertet eshte e bukur te lexosh per te shkuaren e popullit tend e gjith kjo shfaqet tek ky roman “Darka e gabuar”, Ismal Kadare
romani me i ri i Kadarese pershkruhet harkun historike e Shqiprise prej terheqjes se Ghjermanise deri periuden pas diktatures. Shkrimtari ka treguar fatin vendit te tij, vendlindjet se tij, madje na ka lejuar pak shikimin ne elementet prej brezit familijare te tij. Ka treguar shume edhe per zhvillimin e mendjes shqiptare gjat shekulit nejzet dhe edhe me tej. Vepera eshte shume pasur me ndohodite te jetes shqiptare ne vendin, edhe vendlindjen e tij por nje rol i caktuar ndonese n menyren jodirekte luan edhe Kosova. Romani qe ka pasuruar njohurite e mi mbi boten dhe hapesiren shqiptare.
Do t’perkthehem romanin me gezimin.
Drago Flis prej Sllovenise
Romani darka e gabuar, eshte roman qe deri me tani me lene mbresa me te medha nder te gjitha romanet e deritashme te Kadarese. E kame lexuar disa here dhe me pelqen shume. nje pershkrim i nje realiteti aq artistik, aq bukur sa te bene te kuptosh se edhe ne kemi qene faktor dikur.. Mendoj se ka ardhur koha qe Kadare ta marre Cmimin e merituar NOBEL. Them se lum kombi qe ka nje shkrimtar te tille.. Hysen Spahiu Vjene.
Me këtë roman Kadare e plotëson edhe më shumë faqen e historisë dhe letërsise duke u dhënë atyre një lidhje kohezive,ku opinioni lexues e formëson dukshëm njohjen për kohën e Luftës së dytë botërore dhe veçantitë e saja në Shqipëri si dhe plotësohen aspektet letrare për atë kohë që ende nuk është sqaruar tërësisht
Kadare me zemer arbreshi ska ku ti qaj hallet e ti dhe vendos qe te shkruan nje roman kushtuar mundit te disa personave.Une e vlersoj shum Kadaren!Person me fjal te pasuaruara me kuptim nje njeri me pasqyr te diturise.
romani me i lexuar i vitit 2009