Titulli: Bon Ton, etiketa, një mënyrë jetese e kulturuar
Origjinali: Bon Ton, etiketa, një mënyrë jetese e kulturuar
Gjinia: Etikë, kulturë
Autori: Olesia Leço
Shtëpia botuese: Pegi
Viti: 2016
Fq. 164
Pesha: 0.343 kg.
ISBN: 978-9928-228-29-1
Fragment nga libri
Në një shoqëri ku marrëdhëniet, të cilitdo lloj qofshin ato, normat i kanë si rregullator të tyre, etiketa si një kod sjelljeje, mund të konsiderohet si vlerë e veçantë dhe e domosdoshme. Një vlerë, e cila vjen si një përsosje e këtyre normave në formën më të hollë dhe elegante.
Mirësjellja, hijeshia dhe paraqitja si duhet në shoqëri, në përditshmëri dhe në çdo rast të veçantë, të rëndësishëm, festiv etj. përveçse mënyrë komunikimi dhe jetese, janë tregues të këndvështrimit për botën dhe të mënyrës se si ti vetë pozicionohesh në të, si një individ i veçantë, por njëkohësisht edhe si qenie sociale.
Në një shoqëri si kjo e jona, e cila ka kaluar e ndoshta po kalon sprova të vështira, etiketa duket si e lënë mënjanë, prandaj, një libër udhëzues i sjellë me një gjuhë të kuptueshme dhe i përshtatur për nevojat e komunikimit e të paraqitjes në shoqëri është ai që i duhet.
Si duhet të sillemi me respekt ndaj të tjerëve? Si duhet të komunikojmë me ata që na rrethojnë, me njerëz të grupeve të ndryshme shoqërore, me eprorë, me kolegë, në ngjarje të rëndësishme, në udhëtim etj.? Si duhet të vishemi hijshëm, me stil dhe pa e tepruar? Cila është sjellja e duhur në çdo rast të jetës sonë? Njohja e rregullave të etiketës na vjen në ndihmë në çdo rast.
