Titulli: Emma
Origjinali: Emma
Gjinia: Tregime dhe novela
Autori: Ersilja Çeli
Shtëpia botuese: Univers
Viti: 2022
Fq. 86
Pesha: 0.12 kg
ISBN: 978-9928-355-29-4
Ky libër është në gjuhën shqipe
Mbi librin
Një pistoletë! Ç’donte pistoleta në shtëpinë e tij? Pse i shfaqej pikërisht tani që ai e donte aq pak jetën? Ai nuk kishte prekur armë me dorë në jetën e tij. Arma e tij ishte bisturia që luftonte vdekjen dhe jepte jetë. Ndërsa pistoleta luftonte jetën dhe jepte vdekje. Ai po mbante vdekjen në dorë. Mos ndoshta ajo ishte shfaqur për të pikërisht në këto çaste?
Nuk mund të kuptonte se kush ia kishte sjellë këtë armë në dorë, Zoti apo djalli. Nëse ia kishte sjellë Zoti, ai nuk ishte vrasës. Ia kishte sjellë në dorë që ta vinte në provë. Nëse ndjehej fajtor, le të tërhiqte këmbëzën. Nëse ishte i pafajshëm, le ta flakte, se pas saj fshihej djalli. Por Zoti duhej mbrojtur dhe djalli duhej luftuar. Arma mbante dilemën. Çfarë të bënte me të? Që të lëvizte këmbëzën duhej guxim, duhej trimëri. Atij i mungonin këto tipare. Po pse mos t’ia kërkonte Zotit? Ai e mori pistoletën më të dy duart dhe e drejtoi ndaj vetes.
“Shkrepe Bruno. Një krismë është. Ajo të merr jetën ty, por vret intrigën, poshtërimin, vret djallin vetë. Në emër të Zotit shkrepe. Vrit veten që të mbrosh Brunon. Vrite që të mbrosh jetën, emrin tënd.”