Titulli: Dora e shtetit
Origjinali: Dora e shtetit
Gjinia: Tregime
Autori: Uran Butka
Shtëpia botuese: Toena
Viti: 2010
Fq. 270
Pesha: 0.279 kg.
ISBN: 978-99943-1-674-8
Mbi librin
Botimi i tregimeve të zgjedhura "Dora e shtetit", është një dëshmi serioze e profilit të tij si tregimtar i spikatur, që di t'i rrëmbejë jetës një pasuri ngjarjesh e situatash dramatike, por që i lejojnë, mandej përpunimin e begatë artistik. Në vëllimet "Vdekja e bardhë" (2001), "Humbja nuk është mbarim" (2004) dhe "Në shtëpinë tonë" (2008), që janë pjesë një triptiku, janë përfshirë artistikisht e psikologjikisht tri kohë historike: komunizmi, ndryshimet e viteve '90 dhe tranzicioni demokratik.
"Dora e shtetit" është një tregim i shkëlqyer. Ideja e Karl Poperit se edhe demokracia është e aftë të kryejë krime, kur del jashtë kontrollit, është mishëruar artistikisht jo vetëm në këtë tregim. E lexon, e rilexon dhe të kaplon trishtimi. Sepse i sheh të tillët përditë, në administratë, në gjykata, në rrugë, në ambiente publike, në mendësi.
Komente mbi autorin
"Karakteristikë e tregimeve të shkrimtarit Uran Butka është dëshmia e bukur. Tregime të vuajtjes së bukur. Vdekje e bardhë, stil i qartë, i rrjedhshëm, rrëfim i mirëfilltë letrar, ku shpërthen patosi, njohja e thellë e jetës, imazhet piktoreske dhe fisnikëria, dukuri e brendshme e Uranit, kaq bujarisht e trashëguar.
Ishim mësuar ta shihnim në letërsinë e dokumentit, duke e fundit me rrëfime, nuk zgjedh dokumentat, por shkruan për shpirtin. Në tregimet e tij ka natyralizëm deri në mrekulli. Ai ja lë jetës të fantazojë gjithçka. Tregimi "Bibla" është një mrekulli. Në tregimet e Uranit vërehet një thjeshtëzi fraze. Ai di të heshtë, di të bëjë, por edhe të thotë..."
Visar Zhiti
"Libri i Uranit "Humbja nuk është mbarim" ka tregime brilante. Uran Butka nuk është në kërkim të kohës së humbur, por është në vazhdimësi të kohës. Ai vjen pothuaj çdo vit apo një herë në dy vjet me një libër të ri. Në këtë vepër shohim qëndrimin filozofik të autorit, por Urani ka edhe protestën në tregimet e tij.
Rrethanat e jetës së tij mund ta çonin deri në dëshpërim, por ai ka triumfuar dhe ka arritur që përjetimet e tij dhe të njerëzve që e kanë rrethuar t'i lartësojë në art. Ne e kemi njohur Uranin si një shkrimtar që ka trajtuar në veprën e tij dhimbjen njerëzore, por tani shohim një shkrimtar që ka raporte të shkëlqyera me natyrën. Ai i ka shtuar realizmit poezinë."
Zija Çela
"Uran Butka është një shkrimtar i lindur. Figuracionet që ai përdor në tregimet e tij e rendisin ndër tregimtarët më të mirë të letërsinë shqipe. Tregimet që e marrin shtysën nga Martaneshi dhe Tropoja janë shumë të bukur. Brenda tregimeve të tij gjen shtrat për subjekte tregimesh të tjerë, por edhe romanesh."
Teodor Laço