Rregulli i ekuilibrit, Gianrico Carofiglio

Titulli: Rregulli i ekuilibrit
Origjinali: La regola dell'equilibrio
Gjinia: Roman
Autori: Gianrico Carofiglio
Shqipëroi: Agim Doksani
Shtëpia botuese: Fjala Publishing
Viti: 2017
Fq. 272
Pesha: 0.301 kg.
ISBN: 978-9928-176-28-8

Mbi librin

Një pranverë e çuditshme, e pavendosur, ashtu sikurse gjendja shpirtërore dhe psikologjike e Guido Guerrierit. I strukur në një cep të errët, për shkak të një historie personale që e nxit të mendojë për jetën, Guido mbyllet në vetvete. Bashkëbiseduesi i tij i parapëlqyer është thesi i boksit që varet në mes të dhomës së ndenjes.

Situata shkundet pasi shfaqet një klient i pazakontë: një gjyqtar në kulmin e një karriere brilante, shok universiteti i Guidos, gjithnjë i pari në studime dhe në konkurse. I kërkon ta marrë në mbrojtje ndaj akuzës për korrupsion, që është më e tmerrshmja që mund t'i bëhet një gjyqtari.

Pothuajse pa dëshirë, Guerrieri përfshihet në këtë çështje dhe dalëngadalë humbet kthjelltësinë, i çjerrë nga tensioni midis rregullave formale dhe ndërgjegjes individuale. Në një rrjedhë ngjarjesh herë dramatike e herë komike, të vetmit që do ta ndihmojnë janë miku i tij polic, Karmelo Tankredi, dhe një detektiv privat, personazh i vështirë për t'u deshifruar: sepse është grua, e bukur, e dyshimtë, dhe qarkullon me një shkop bejsbolli.

Mbi autorin

Gianrico Carofiglio ka lindur më 30 maj 1961 në Bari, Itali. Ka shkruar tregime, romane dhe ese. Librat e tij, që gjithnjë kanë zënë vendet e para në listat e librave më të shitur, janë përkthyer në të gjithë botën.