Ëmbëlsia e jetës, Paulus Hochgatterer

Titulli: Ëmbëlsia e jetës
Origjinali: Die Süsse des Lebens
Gjinia: Roman
Autori: Paulus Hochgatterer
Shqipëroi: Sokol Mici
Shtëpia botuese: Dudaj
Viti: 2017
Fq. 304
Pesha: 0.351 kg.
ISBN: 978-99943-0-508-7

Mbi librin

Një natë dimri një plaku i zgërlaqin kokën. Kufomën e plakut e gjen Katerina, mbesa e tij shtatëvjeçare, e cila qysh prej këtij çasti e kyç gojën dhe nuk nxjerr më asnjë fjalë. Psikiatri Rafael Horn, i cili merr përsipër trajtimin e vajzës së vogël, pa dashje përfshihet në zbulimin e vrasjes.

Komisari i krimeve Ludvig Kovacs e kalon ditën në në birraritë e mbuluara nga bora, ndërsa mbrëmjeve vëzhgon me teleskop. Krimet e kryera në kapërcyellin e gjithë vitit e trazojnë jashtëzakonisht shumë – madje e pengojnë edhe në marrëdhëniet intime me Marlenën, pronaren e një dyqani second hand.

Sido që me këtë krim të pazbuluar ai ka arsye të pakundërshtueshme për të mos kaluar një fundjavë romantike që Marlena ka planifikuar në vigjilje të Vitit të Ri, kjo vdekje – për këtë s'ka asnjë dyshim – do të vazhdojë ta mbajë në ankth si në morsetë.

Një baba psikopat rreh vajzat e tij, sa i bën për spital; një prift benedikt, vrapues i largësive të mëdha, dëgjon në kokë zëra që nuk kanë të bëjnë me Zotin; një postier në pension do që të vrasë veten; ndërsa një nënë e re beson se fëmija i saj i porsalindur është djalli.

Psikograma e kësaj qyteze është vërtet shqetësuese – por, cili nga banorët e saj ishte vizitori i fshehtë i natës? Kush ta ketë kryer këtë krim të tmerrshëm?

Koment nga Lars Brandt

Paulus Hochgatterer-i e ka shkruar këtë roman policor me mprehtësinë e vet karakteristike, me talent dhe me muzikalitet të vërtetë. Veprimet kriminale na japin edhe një herë shkas të bëjmë pyetjen se sa pjesë të së vërtetës tregojmë.

Mbi autorin

Paulus Hochgatterer-i lindi në vitin 1961 në Amsteten të Austrisë së Poshtme. Jeton në Vjenë, ku përveçse shkruan, ushtron edhe profesionin e psikiatrit për fëmijë. Është nderuar me çmime të ndryshme dhe së fundmi ka fituar bursën "Elias-Canetti" të qytetit të Vjenës.

Disa nga veprat e tij janë: Mbi kirurgjinë (roman, 1993, ribotuar më 2015-n), Rregulli i Nysten-it (tregime, 1995), Ujëra të rrëmbyeshme (tregim, 1997), Caretta caretta (roman, 1999), Mbi korbat (roman, 2002) dhe Një histori e shkurtër mbi peshqit fluturues (tregim, 2003).