Rruga e së keqes, Robert Galbraith

Titulli: Rruga e së keqes
Origjinali: Career of Evil
Gjinia: Roman
Autori: Robert Galbraith
Shqipëroi: Dhimitër Gjodede
Shtëpia botuese: Dituria
Viti: 2016
Fq. 572
Pesha: 0.686 kg.
ISBN: 978-9928-217-25-7

Mbi librin

Një pako misterioze i dorëzohet Robin Elakotit. Vajza mbetet e tronditur kur zbulon se në pako gjendet këmba e prerë e një gruaje. Hetuesi privat Kormoran Strajk, shefi i saj, befasohet më pak, por është po aq i alarmuar. Vetëm katër njerëz, që janë pjesë e së kaluarës së tij, mund të jenë përgjegjës - dhe Strajku di se secili prej tyre do të ishte i zoti për këtë dhe brutalitete të tjera të parrëfyeshme.

Policia i përqendron hetimet në një të dyshuar, por Strajku është gjithnjë e më i bindur se ai është i pafajshëm: duhet ta marrë vetë çështjen në dorë, së bashku me Robinin, dhe të zhytet e gërmojë në botët e errëta dhe të panatyrshme të tre të dyshuarve të tjerë.

Por krime të reja, çnjerëzore do të kryhen dhe koha ecën shpejt... Një triller me shumë të papritura, por edhe me historinë emocionuese të një burri dhe një gruaje, që kanë mbërritur në një udhëkryq në jetën e tyre personale dhe profesionale.

Komente mbi librin

""Rruga e së keqes" është romani i tretë dhe më i mirë i serisë emocionuese me detektivin privat Kormoran Strajk... Galbraith ka shpikur një vrasës serial që do të mbahet mend gjatë. Një libër i mbushur me surpriza, të cilat luajnë me logjikën e përsosur të romanit artistik të krimit..."

Jocelyn McClurg, USA Today

"Një seri inteligjente, plot mistere të kurdisura e të lidhura fort, me të gjitha elementet më të pëlqyeshme të zhanrit triller... por me dritëhijet mahnitëse emocionuese e morale."

Annalisa Quinn, NPR

"Një nga detektivët më të veçantë dhe inteligjentë që kemi takuar vitet e fundit."

Mark Billingham

"... Një tjetër triumf... historia makabre është zbutur nga protagonistët e saj të shkëlqyer."

Kim Hubbard, People