Qeni i Baskervilëve, Arthur Conan Doyle

Titulli: Qeni i Baskervilëve
Origjinali: The hound of the Baskervilles
Gjinia: Roman
Autori: Arthur Conan Doyle
Shqipëroi: Vjollca Shtylla
Shtëpia botuese: Çabej
Viti: 2007
Fq. 168
Pesha: 0.21 kg
ISBN: 978-99927-33-61-6

Mbi librin

Sherlok Holmsi është një nga personazhet më të famshëm të librave të verdhë. Nga gjithë librat e shkrimtarit anglez Conan Doyle me detektivin e famshëm Sherlok Holms, romani "Qeni i Baskervilëve" konsiderohet si një nga më të mirët dhe më të sukseshmit.

Që kur doli së pari pjesë – pjesë në Strand Magazine më 1901 – 1902 e deri më sot ky roman është përshtatur në dhjetëra e dhjetëra forma të ndryshme artistike: është filmuar për kinemanë të paktën 18 herë, për televizionin 24 herë, është përshtatur si shfaqje me muzikë rock, për teatër etj. Ndikimi i Conan Doyle – it me krejt veprën e tij, e posaçërisht me këtë roman, ka qenë aq i madh në breza të tërë artistësh e shkrimtarësh të shekullit XX, sa gjurmë të këtij libri e të personazheve të tij gjenden në plot vepra të famshme të mëvonshme, shpesh edhe si referenca të qarta ndaj tij: Umberto Eco te "Emri i trëndafilit", Nabokovi në shumë vepra të tij, Ray Radbury te "Fahrenheit 451" etj. "Qeni i Baskervilëve" është një nga klasikët e mëdhenj të librave të verdhë e një nga më të lexuarit mes tyre.