Rrezatimi, Stephen King

Titulli: Rrezatimi
Origjinali: The Shining
Gjinia: Roman
Autori: Stephen King
Shqipëroi: Renato Kalemi
Shtëpia botuese: Pegi
Viti: 2013
Fq. 538
Pesha: 0.571 kg.
ISBN: 978-9928-162-89-2

Mbi librin

I botuar për herë të parë në vitin 1977, "Rrezatimi" u bë shumë shpejt një nga gurët themeltarë të karrierës letrare të Stephen King – ut. Ky rrëfim mbi një burrë të trazuar, i cili duhet të kujdeset gjatë dimrit për një hotel malor, mbi gruan e tij besnike dhe djalin e tyre të vetëm me dhunti të veçanta, shpaloset gradualisht teksa dalin në pah sekretet e hotelit.

"Rrezatimi" qëndron si një ikonë kulturore e horrorrit modern, një analizë përvëluese e një familjeje të përçarë, një vëzhgim i makthshëm në skutat e dobësisë dhe çmendurisë njerëzore.

Komente mbi librin

"King – u na e shpalos tmerrin me një ritëm të gjallë, të palodhshëm dhe pa dyshim që ai di t'i mbajë gjërat pezull."

New York Times

"Kjo histori ngjethëse do t'ju përndjekë. Do t'ju ngrijë gjakun ndër damarë dhe zemra do t'ju rrahë nga frika."

Nashville Banner

"Një mjeshtër i padiskutueshëm i makthit dhe tmerrit."

The Washington Post

"Një imagjinatë e pashoqe"

The Observer

"Një tregimtar mjeshtëror."

Los Angeles Times

"Njeriu më mrekullisht i frikshëm në planet."

USA Today

"Ndoshta "Rrezatimi" nuk është historia e përkryer e horrorit, por është një nga përpjekjet më të mira që kemi parë në 50 vitet e fundit."

The Guardian

"King – u njeh ndodhitë e frikshme në vende të kufizuara dhe të izoluara, ndoshta më mirë se kushdo tjetër qysh nga koha e Edgar Allan Poe – s."

Entertainment Weekly

"Ai është autori që mund ta bëjë të pamundurën kaq të frikshme sa do të detyroheni të kontrolloni çelësat e derës kryesore."

The Boston Globe

Mbi autorin

Stephen King është autori i më shumë se 50 romaneve, të gjithë bestseller botërorë. Librat e tij kanë shitur më shumë se 350 milionë kopje dhe janë përshtatur për filma të kinemasë dhe televizionit. Ai dhe veprat e tij janë çmuar me dhjetëra çmime letrare, midis të cilave Medalja e Fondacionit National Book për kontributin e tij të shquar në letërsinë amerikane (2003) dhe çmimi i Mjeshtrit të Madh nga shoqata Mystery Writers of America (2007). Jeton në Bangor, Maine, me bashkëshorten e tij, shkrimtaren Tabitha King.