Krishtërimi, Judaizmi, Islami dhe Mendimi Perëndimor, France Farago

Titulli: Krishtërimi, Judaizmi, Islami dhe Mendimi Perëndimor
Origjinali: Le christianisme, le judaisme, l'islam et la pensée occidentale
Gjinia: Shkenca politike
Autori: France Farago
Shqipëroi: Bajram Muça
Shtëpia botuese: Lira
Viti: 2007
Fq. 408
Pesha: 0.627 kg
ISBN: 978-99956-655-7-9

Mbi librin

Krishtërimi ose "fryma" e popujve evropianëNë një kohë kur Evropa po përpiqet të marrë formë, kur ajo është në kërkim të një identiteti të përbashkët për larminë e popujve që e përbëjnë, është e dobishme të bëhet gjenealogjia e asaj, që Hegeli do ta quante shpirti i popujve evropianë.

Krishtërimi ishte fati i kontinentit tonë. Me trashëgiminë e Romës, Athinës e Jeruzalemit, që e transmetoi jo pa e ndryshuar thellësisht, krishtërimi i përpunoi peizazhet e Evropës dhe në shumë pikëpamje, mbeti pavetëdija e mendimit të saj, madje e vetë racionalitetit të saj. Për më tepër, përcaktimi dogmatik i doktrinës së krishterë, ngjalli si reaksion një shpirt kritik, një nevojë për të shqyrtuar, që asnjë qytetërim tjetër s'e ka njohur gjer më sot.

Vetë moderniteti, që nuk e lufton më krishtërimin, por e injoron krenarisht, është stampuar megjithatë, sipas kallëpit të tij. Ky modernitet nuk mund të kuptohet jashtë referencës së vet, d.m.th. jashtë traditës së cilës i është kundërvënë, që të mundë më pas, të ngrihet mbi të.

Në gjirin e një kulture medituese, në kohën e inventarizimit dhe regjistrimit të pasurive kulturore, kohë që gjithmonë i paraprin zëvendësimit të një bote të vjetër që mpaket, me një botë të re që lind, bëhet i domosdoshëm përvetësimi i këtyre pasurive. Tashmë, Evropa duhet të përcaktojë vetveten.

Për këtë, nën dritën e filozofisë, ajo duhet të kuptojë zanafillat e veta, sepse varfërimi që sjell çdo bjerrje e trashëgimisë kulturore, mund të shërohet vetëm me mirëkuptim. Më tepër se kudo gjetkë, kjo është e vërtetë në Evropë ku, siç vërente me të drejtë William Blake, "Dhjata e Vjetër dhe Dhjata e Re janë kodi i madh i artit", ku figuracioni dhe naracioni biblik janë kuadri i imagjinatës mbi të cilën zhvillohen letërsia, muzika dhe artet pamore, deri në shekullin XIX, madje edhe më pas.