Fitimi i pronësisë mbi pasuritë e paluajtshme, Besnik Maho

Titulli: Fitimi i pronësisë mbi pasuritë e paluajtshme
Origjinali: Fitimi i pronësisë mbi pasuritë e paluajtshme
Gjinia: Drejtësi
Autori: Besnik Maho
Shtëpia botuese: UET Press
Viti: 2009
Fq. 240
Pesha: 0.313 kg
ISBN: 978-99956-39-08-4

Koment nga autori

Pasuria e paluajtshme paraqet sot në Republikën e Shqipërisë një interes të veçantë në lidhje me zhvillimet social – ekonomike dhe politike që po kalon vendi ynë. Kështu, sot, pasuria e paluajtshme përbën një stimul të pamohueshëm për ndërmarrjen e iniciativave ekonomike të gjithsecilit, qofshin këta shtetas shqiptarë apo të huaj, persona juridikë, publikë apo privatë, vendës apo të huaj.

Nisur nga këto dy kritere bazë, mund të themi se ky cikël leksionesh synon të pasqyrojë se si reflektohen këto interesa në lidhje me mënyrat e fitimit të pronësisë mbi sendet e paluajtshme nga ana e subjekteve të mësipërme në territorin e Republikës së Shqipërisë.

Fillimisht, në këtë cikël leksionesh do të gjeni një tablo të përkufizimit të pasurisë së paluajtshme në rende kohore, historike, politike, ekonomike, juridike të ndryshme: pra, këndvështrimin e secilit prej këtyre formacioneve për pasurinë e paluajtshme, rëndësinë që ato i jepnin, mbrojtjen që i ofronin. Një analizë e thellë, në disa këndvështrime, do të na çojë në arritjen e një produkti përfundimtar dhe relativ mbi përkufizimin që secili prej nesh i jep pasurisë së paluajtshme.

Mbi autorin

Besnik Maho, pedagog në Universitetin Europian të Tiranës. Magjistrat, master në shkencat juridike, ka punuar si gjykatës në gjykatën e rrethit gjyqësor Pogradec. Në periudhën 2007 – 2008 ka qenë drejtor i përgjithshëm i Agjensisë së Kthimit dhe Kompensimit të Pronave.