Arti i të shkruarit, Sulejman Mato

Titulli: Arti i të shkruarit
Origjinali: Arti i të shkruarit
Gjinia: Kritikë letrare
Autori: Sulejman Mato
Shtëpia botuese: Bota Shqiptare
Viti: 2011
Fq. 232
Pesha: 0.247 kg
ISBN: 978-9928-00-027-9

Komente mbi librin

Koment nga Moikom Zeqo

"Arti i të shkruarit" është shkruar me jë gjuhë të thjeshtë mbi një unitet konceptual, me citime të përzgjedhura nga letërsia jonë dhe ajo botërore, ai synon të shpalosë standardet e asaj çka quhet "letërsi universale" dhe argumenton pse quhet e tillë. Një libër për shkrimtarët e rinj, por edhe për lexuesit që janë përherë dhe potencialisht shkrimtarë të ardhshëm."

Koment nga Diana Çuli

"Arti i të shkruarit" është një libër tepër i nevojshëm, tepër i këndshëm, tepër plotësues për atë që sot mungon, të flasim për vlerat e përjetshme, për vlerat tona dhe ato të botës, t'i shohim vlerat kombëtare në kontekst botëror, si pjesëz e universit letrar dhe artistik që nuk ka kufij"

Mbi autorin

Sulejman Mato lindi në Fterrë, ku kreu dhe filloren. Shtatëvjeçaren e mbaroi në Gjirokastër, ndërsa të mesmen e ndërtimit në Tiranë. Më pas u diplomua për gjuhë – letërsi në Universitetin e Tiranës, në Fakultetin Histori – Filologji.

Në vitet 1965 – 1967 punon si mësues në Berat, nga 1967 deri më 1973 si redaktor në revistën "Nëntori", 1973 – 1976 dhe 1985 – 1991 libretist në Teatrin e Operës dhe Teatrin Popullor. Nga viti 1993 deri në vitin 2001 ka punuar drejtor i Agjencisë Qendrore të Tregtimit të Librit dhe si kryeredaktor i gazetës "Tirana bashkiake".

Ka botuar 10 libra me poezi, ndër të cilat përmendim: Shtegu i blertë , Nën diellin e jugut , Mbi glob fryjnë erëra , Në stinën e poezisë, Fjalët, Dallga e Jonit etj. Ka botuar dhe vënë në skenë dramat: Ankthi, Një natë e gjatë, Bukë në shkëmb, Familja Zhavora etj. Janë vënë në skenë libretet: Legjenda e lules Honinë (balet), Vajzat e qytetetit të gurtë (balet), Paja (operetë).

Ka botuar librat me tregime: Drita e syve, Banorët e vilës ,Vizitor në Parajsë. Ka botuar librat studimorë: Labirinte dhe enigma, Ëndrrat profetike, Arti i të shkruarit. Ka botuar edhe disa libra për fëmijë. Vazhdon të merret me letërsi dhe të shkruajë në shtypin e kohës.