Titulli: Kuteli kritik
Origjinali: Kuteli kritik
Gjinia: Studim monografik
Autori: Arjan Llanaj
Shtëpia botuese: Naimi
Viti: 2013
Fq. 160
Pesha: 0.19 kg.
ISBN: 978-9928-109-54-5
Mbi librin
Autori i këtij studimi monografik shtron pyetjen se cili është vendi i Mitrush Kutelit në historinë e kritikës letrare shqiptare, ku ndihmesat e tij shihen në raport të brendshëm e të jashtëm, krahas mendimit të Branko Merxhanit, Fan Nolit, Gjergj Fishtës, Krist Malokit, Ernest Koliqit; po edhe krahas mendimit të studiuesve për letërsinë e tyre që ai e shqipëroi, duke ndjekur gjurmët e Nolit. Konkludohet se ai u shfaq si individualitet i plotë në kritikën letrare në vitet 1930 – 1940.
Studiuesi Arjan Llanaj zgjeron me informacion pamjen tradicionale të studimeve letrare të Kutelit, duke përmendur se mendimit të tij i shfaqen përballë vepra, autorë dhe personalitete prej periudhës së Rilindjes deri tek koha e modernitetit të letërsisë shqipe.
Në fund pikëzohen tiparet kryesore të Kutelit kritik, duke identifikuar faktin që ai hyri në këtë fushë duke emigruar prej kërkimeve në fushën ekonomike, me favorin se ishte edhe vetë brenda letërsisë, por nuk mbeti një kritik amator dhe vullnetmirë.
Gjykimet e Kutelit për zhvillimet në letërsinë shqipe, prej Naimit, Mjedës, Lasgushit, Nolit dhe të mëvonshmëve janë jo vetëm pjesë e historisë së mendimit letrar në Shqipëri, por edhe referenca të pashmangshme të debatit për kuptimin e historishkrimit të letërsisë në kohën e sotme.