Titulli: Studime filologjike për letërsinë romantike arbëreshe
Gjinia: Gjuhësi, letërsi
Autori: Matteo Mandalá
Shqipëroi: Gëzim Gurga
Shtëpia botuese: Naimi
Viti: 2012
Fq. 376
Pesha: 0.441 kg
ISBN: 978-9928-109-42-2
Koment nga Shaban Sinani
Në librin "Studime filologjike për letërsinë romantike arbëreshe" të Matteo Mandalá gjithçka është e re për lexuesin shqiptar. Të reja janë leximet e trashëgimit letrar në botën arbëreshe, prej veprave të De Radës, Gavril Darës, Zef Skiroit, Frangjisk Santorit, Emanuele Bideras dhe autorëve më të hershëm si Nikollë Keta e Nikollë Filja. Prapa këtij libri qëndrojnë dekada të tëra pune murgu, pune për të tjerët, një virtyt gati i harruar ndër ne; pune në shërbim të lehtësimit të kërkimeve që zakonisht i bëjnë lexuesit për mjeshtrit dhe jo anasjelltas.
Megjithëse autori ka preferuar ta titullojë librin e tij "Studime filologjike për letërsinë romantike arbëreshe" kemi të bëjmë me një vepër që kërkon rishqyrtime kritike për të gjithë historinë e letërsisë shqipe, duke përfshirë periudhën e saj, ndryshimin e kalendarëve, karakterizimin e dukurive dhe zhvillimeve kulturore e letrare, prekjen e status quo – së së deritanishme, funksionimin e një sistemi letrar që mbështetet mbi njësinë e gjuhës, historinë e gjinive letrare, historinë gjenetike të veprave, vështrimin krahasues të varianteve të tyre.