Areali kulturor i veriut në shek. XVI – XIX, Bardhyl Demiraj

Titulli: Areali kulturor i veriut në shek. XVI – XIX (kopertinë e trashë)
Gjinia: Gjuhësi, albanologji, histori
Autori: Bardhyl Demiraj
Shtëpia botuese: Onufri
Viti: 2017
Fq. 612
Pesha: 1.338 kg.
ISBN: 978-9928-226-76-1

Mbi librin

Në këtë monografi i përmbahemi një koncepti të diferencuar teorik të "kulturës", duke u përqendruar në fushën e formimit dhe të produktit intelektual që është përftuar ose ka pasur synim largvajtës mbarështimin e tij në Veri të hapësirës kulturore – etnike shqipfolëse.

Parë nga kjo perspektivë, diferencimin që bëjmë brenda kësaj hapësire kompakte e motivojnë për periudhën në fjalë sidomos aktivitetet intelektuale të institucioneve të kultit që ishin të pranishme në këtë zonë, siç është për shembulkl rasti i angazhimit social të klerit katolik që vepronte atëbotë në provincën administrative – kishtare të Arbënit dhe në Arqipeshkëvinë e Shkupit.

Fokusimi ynë kryesisht në këto aktivitete sendërton në domethënien e vet largvajtëse shi atë koncept relativ të "Arealit Kulturor të Veriut", meqë pikërisht këtu e përgjatë kësaj periudhe zë rrënjë e hedh shtat edhe ajo traditë e shkrimit shqip me alfabet latin, e cila ratifikohet në formën e vet përfundimtare me një kod të ri në Kongresin e Manastirit (1908), bash ashtu siç e shkruajmë dhe e ngjërojmë sot e gjithë ditën si alfabet të njësuar për gjithë hapësirën shqipfolëse.