Tej prologut, shqipja dhe çështje të metodës, Ledi Shamku – Shkreli

Titulli: Tej prologut, shqipja dhe çështje të metodës
Gjinia: Gjuhësi
Autori: Ledi Shamku – Shkreli
Shtëpia botuese: Çabej
Viti: 2017
Fq. 368
Pesha: 0.472 kg.
ISBN: 978-99956-35-31-2

Fragment nga libri

Studiuesit e shqipes sot kanë mundësinë t’i zbatojnë të gjitha metodat studimore të cilave iu desh një shekull të thadroheshin. Preskriptivizmi duhet t’i takojë të shkuarës edhe në studimet tona mbi repertorin e shqipes. Didaktikat tona shkollore kanë po ashtu kaq nevojë për vrojtimet e drejtpërdrejta të përdorimeve gjuhësore.

Fjala çelës e kësaj përmbledhjeje, si u kapërcye prologu, mbetet Metoda. “Tej prologut” ravgon rreth çështjeve të metodës në studimet e realieve tona gjuhësore. Pa paragjykim e duke qëmtuar më të mirën në metodat apo studimet e deritashme, por duke iu përmbajtur bindjes se përcaktimi i metodës kushtëzohet kryekëput nga vrojtimi i fakteve gjuhësore konkrete.

Sikundër shkruan Sir Arthur Conan Doyle: “Të ndërtosh teori para se të kesh mbledhur fakte, është gabim trashanik, pasi të shtyn t’u përshtasësh faktet teorive në vend se të aplikosh teoritë mbi faktet”.

Studimet e reja mbi shqipen kanë nevojë për tërësinë e fakteve mbi të cilat sot mundemi të zbatojmë tërësinë e trashëguar të metodave.