Studime shqiptare, Panajot Kupitori

Titulli: Studime shqiptare, të vërteta historike dhe filologjike rreth gjuhës dhe etnisë shqiptare
Gjinia: Histori, filologji
Autori: Panajot Kupitori
Shqipëroi: Altin Kocaqi
Shtëpia botuese: Emal
Viti: 2017
Fq. 120
Pesha: 0.141 kg.
ISBN: 978-9928-04-359-7

Koment nga Elena Kocaqi

Panajot Kupitori lindi në Hidra në vitin 1821 dhe vdiq në vitin 1881. Ai studioi për filologji në Universitetin e Athinës dhe më vonë punoi si drejtor në disa shkolla. Kupitori hapi një shkollë shqipe në Hidra, në të cilën mësohej gjuha shqipe me anë të një abetareje që e përgatitit vetë ai. Së bashku me Anastas Kulluriotin publikoi gazetën "Zëri i Shqipërisë".

Vepra e Kupitorit, "Studime shqiptare", është sa historike dhe filologjike. Në pjesën e parë është paraqitur mendimi shkencor i kohës deri në shekullin XIX – të, për prejardhjen e gjuhës dhe etnisë shqiptare.

Brenda një hapësire shumë të shkurtër, shtrihet një thesari i çmuar i studime albanologjike me detaje shkencore dhe renditje kohore. Si rrjedhojë e kësaj pune të shkëlqyer, lexuesi ynë do ta ketë shumë të lehtë të njohë ç'është thënë në botën e dijes për historinë dhe gjuhën e shqiptarëve deri në shekullin e XIX – të.