Titulli: Normat zakonore dhe jeta shoqërore në Kanunin e Lek Dukagjinit, vëllimi i parë
Origjinali: Consuetudini e vita sociale nelle montagne albanese secondo il Kanun i Lek Dukagjinit
Gjinia: Histori, kulturë
Autori: Xhuzepe Kastelet
Shqipëroi: Qemal Veliaj
Shtëpia botuese: Ombra GVG
Viti: 2012
Fq. 192
Pesha: 0.235 kg.
ISBN: 978-9928-06-043-3
Koment nga autori
Studimi i Kanunit të Lek Dukagjinit është padyshim me rëndësi të madhe të drejtpërdrejtë dhe të posaçme pasi, duke qenë se normat zakonore të tij janë shprehje e brendshme dhe e vetvetishme e vetëdijes popullore, që më parë i ka krijuar dhe më pas i ka jetësuar duke i ushtruar ato, njohja e tyre do të mund të na dritësojë dhe të na prijë për të njohur vlerat psikologjike të popullatave malësore, apo të mbarë popullsisë shqiptare nëse dëshirohet më tej, ngaqë ato shprehin me to pjesën më të mirë të mbetur, më të pastër dhe të paprishur, pavarësisht invazionit turk.
Edhe duke mos pasur ndonjë njohje të përthelluar mbi të, të gjithë ata që kanë shkruar për çështje shqiptare nuk rrinë pa folur për Kanunin e Lek Dukagjinit, ndërkohë që profesori ynë i shquar Antonio Baldaçi, i cili kaq shumë dhe kaq mirë ka shkruar për Shqipërinë, i kushton faqe të shumta, në veprën e tij "Albania", një dokumenti të tillë mbresëlënës të vetëdijes juridike dhe shoqërore të malësorëve.
Prof. Thaloci, një studiues mjaft i shquar i çështjeve ballkanike, i cili, së paku sipas njohjeve të mia në lënde, ka studiuar më tepër nga të gjithë Kanunin e Lek Dukagjinit, jep për të një tablo të plotë në botimin e tij të vlertë "Albanische Forschungen" (Gjurmime shqiptare).
Por më tej, me përjashtim të përmbledhjes së Kanunin e Lek Dukagjinit, të hartuar në revistën "Hylli i Dritës" në vitet 1912, 1914 dhe 1921 – 1922 nga At Shtjefën Gjeçovi, dhe të disa studimeve të priftërinjve shqiptarë, një bibliografi e njëmendtë dhe serioze mbi argumentin në fjalë nuk ekziston.