Hyrje në Indoeuropianistikë, Eqrem Çabej

Titulli: Hyrje në Indoeuropianistikë, Leksionet e Prishtinës
Origjinali: Hyrje në Indoeuropianistikë, Leksionet e Prishtinës
Gjinia: Gjuhësi
Autori: Eqrem Çabej
Shtëpia botuese: Çabej
Viti: 2008
Fq. 264
Pesha: 0.336 kg
ISBN: 978-99927-33-80-2

Mbi librin

Këto janë leksionet e folura, po kurrë të shkruara, mbajtur nga Çabej në vitet shkollore 1971-1973 në Universitetin e Prishtinës, për studentët e ciklit pasuniversitar. Këto leksione u patën inçizuar në magnetofon e u patën zbardhur atëhere dhe u qenë shpërndarë studentëve në trajtën e një dispense të shaptilografuar. Do thënë qysh në fillim se zbardhja e zërit të inçizuar ka meritën e madhe se shpëtoi nga bjerrja për fare të kësaj vepre.

Hyrje në Indoeuropianistikë botohet për herë të parë në Shqipëri. Me gjithë vonesën disadekadëshe, kjo vepër i vjen gjuhësisë shqiptare në një moment të volitshëm e të dobishëm, i vjen në një kohë kur duhen parë me një sy vlerësues e kritik shumë rezultate të shkencave tona humanitare. Ky libër përcakton atë standard metë cilin duhet të përballet gjuhësia jonë bashkëkohore...

Me botimin dhe divulgimin e kësaj vepre-traktat, që nuk është një doktrinë e përfunduar, por zanafillë e një doktrine të re, për Çabejn vlen të thuhet sot pikë për pikë ajo çka tha Benveniste në pesëdhjetëvjetorin e botimit të Kursit të F. de Saussure: "Ai po gatitet të ketë një jetë të dytë, e cila do të gërshetohet pashmangshmërisht me tonën".