Kodiket e Shqiperise ne Kujtesen e Botes, Shaban Sinani

Titulli: Kodikët e Shqipërisë në "Kujtesën e Botës"
Origjinali: Kodikët e Shqipërisë në "Kujtesën e Botës"
Gjinia: Kulturë, trashëgimi
Autori: Shaban Sinani
Shtëpia botuese: Naimi
Viti: 2011
Fq. 692
Pesha: 1.074 kg
ISBN: 978-9928-109-03-3

Komente mbi librin

"Monografia "Kodikët e Shqipërisë në "Kujtesën e Botës" pasuron dijet tona për vlerat e trashëgimisë kulturore të krishtërimit të hershëm dhe për periudhën e gjatë e të vështirë që vijon. Monografia e analizon në mënyrë të gjithanshme këtë pasuri pak të njohur, madje dhe për vetë studiuesit e interesuar.

Studimet e këtij autori për historinë e dorëshkrimeve të krishtera në Shqipëri janë mirëpritur nga qarqet shkencore ndërkombëtare dhe janë vlerësuar nga studiues të ndryshëm të shkrimeve biblike – ungjillore: paleografë, bizantologë, historianë të krishtërimit. Si rezultat i këtij vlerësimi, dy kodikët e purpurtë të Beratit janë regjistruar si pjesë të programit "Memoire du Monde" te UNESCO – s në vitin 2005."

Prof. Aleksandër Meksi

"Në këtë monografi për herë të parë shpallet pasuria e jashtëzakonshme e traditës së dorëshkrimeve të ruajtura në Shqipëri, me një koleksion që nuk mund të krahasohet jo vetëm me ato të popujve të tjerë të rajonit, por dhe në shkallë europiane.

Monografia që paraqet Sh. Sinani për herë të parë promovon në mjedis kombëtar e ndërkombëtar këtë traditë për të cilën dija shqiptare nuk e ka thënë fjalën e vet dhe tashmë po plotëson një vonesë të përligjur për një kohë, por jo për shumë kohë. Autori i monografisë ka shkruar një libër që ka të bëjë me identitetin shqiptar, një kulturë që nis prej një kohe parashqiptare."

Akademik Jorgo Bulo