Titulli: Fjalor i mitologjisë dhe demonologjisë shqiptare
Origjinali: Fjalor i mitologjisë dhe demonologjisë shqiptare
Gjinia: Fjalor
Autori: Azem Qazimi
Shtëpia botuese: Plejad
Viti: 2008
Fq. 198
Pesha: 0.241 kg
ISBN: 978-99956-706-1-0
Mbi librin
Përgjithësisht, mitologjia shqiptare lidhet me demonologjinë popullore. Por ç'është demonologjia si e tillë? Daimonion – i (greqisht) është një qenie hyjnore, zëri hyjnor, "esenca hyjnore", "zoti i vogël" etj.
Sipas asaj që thotë Ksenofoni në veprën e tij kushtuar Sokratit të madh, "daimonion – i" është një zë hyjnor që të magjeps, zë, që kohë pas kohe i paraqitej Sokratit dhe i tregonte se si duhej të vepronte, të mendonte dhe të sillej, se ç'është e mira dhe e keqja, e drejta, e padrejta, e vërteta, e rremja, e madhërishmja.
Sipas Platonit, "daimonion – i" ishte një shpirt, që e mbikqyrte dhe ë bënte me dije Sokratin, zëri i tij i brendshëm. Hegeli mendonte se "daimonion – i" i Sokratit qe zëri këshillues, udhërrëfyes, "fillimi i njohjes së vetvetes dhe me të, fillimi i njohjes së lirisë së vërtetë" etj.
Të tëra thëniet e mësipërme kanë pjesë të së vërtetës. Në këtë kuptim demonologjia popullore i ka shërbyer njeriut shqiptar me shekuj si një rregullator shpirtëror, jo vetëm sipas riteve kalendarike, por në harmoni me mendësinë e tij.