Kufiri, Profi

Titulli: Kufiri
Origjinali: Kufiri
Gjinia: Roman
Autori: Profi
Shtëpia botuese: Albas
Viti: 2004
Fq. 156
Pesha: 0.24 kg
ISBN: 978-99943-945-5-5

Fragmente nga libri

Edhe pse nuk e dinte se çka ishte simboli, metafora, krahasimi e të tjera si këto, ama kishte një figurë që e njihte mirë; ishte përpëlitur gjatë mes paradoksesh të mëdha që ia marrosnin jetën dhe herë – herë e bënin të ngulfatej në atë mes.

Te ne nuk ekziston tolerimi, tolerimi i fituesve ndaj humbësve dhe respekti i humbësve ndaj fituesve... prandaj unë e kam humbur besimin, më tremb se në vend të shtetit, mos bëjmë "shqiptarhane". Nëse nuk shtiresh se shkon në xhami apo nuk mban ramazan, me një fjalë nuk bën atë që e bëjnë të gjithë, atëherë ti je jashtë defterit.

Edhe sikur të jesh profesor i madh, doktor i madh, aq më tepër psikolog i madh, madje dhe sikur të fitosh çmimin Nobel, ti je jashtë defterit dhe pikë. Edhe Pikasoja apo Anjshtajni po të jetonin këtu, me siguri do të ishin jashtë defterit. Prandaj duhet të shtiresh si të gjithë. Profesori luan rolin e politikanit, politikani të hoxhës, hoxha të psikologut, mjeku të farmacistit e farmacisti të mjekut dhe kështu duke improvizuar gjithçka vërtitet jeta jonë brenda kufijve të përcaktuar.

Njerëzit, edhe kur s'kanë kufij, ia venë ato vetes. Dhe e vetmja zgjidhje: Plumbi i artë... pastaj "Tung, s'ka të përtejme!". Nuk ka se si të mos ndihesh mbret në jetë, kur fle lakuriq krah për krah me të dashurën mbasditeve verore, teksa dielli i kuq perëndon nga ana tjetër e detit. Jetët tona ndaheshin ku fillonin përgjegjësitë dhe puqeshin ku zinte fill shpirti.