Titulli: Aromat e vjeshtës
Gjinia: Roman
Autori: Grigor Banushi
Shtëpia botuese: Dituria
Viti: 2018
Fq. 348
Pesha: 0.437 kg.
ISBN: 978-9928-217-80-6
Mbi librin
"Aromat e vjeshtës" është pjesa e parë e një trilogjie dhe romani i pestë i autorit Grigor Banushi. Ai vjen pas romaneve Vdekja e Narcisit, Fytyra e Djallit, Mëria e Zanave dhe Simfonia e Pambaruar. Romani i fundit e merr temën nga aktualiteti.
Në qendër të tij është figura e një gazetari e shkrimtari, i cili shpesh ndodhet në situata të vështira e të gabuara, dhe rrezikon të bëhet pré e intrigave, thashethemeve dhe qëllimeve dashakeqe të njerëzve të ulët e cmirëzinj. Një vend të rëndësishëm në këtë roman zë dashuria dhe heroi përveç shumë udhëkryqeve e dilemave e sheh veten edhe midis dy dashurive.
Përshkrimet e mjedisit që e rrethon, ambiente të qytetit të Tiranës, por edhe të vendeve jashtë Shqipërisë, ku heroi gjendet herë pas here, plotësojnë tablonë e ditëve tona e cila pasqyrohet në romanin Aromat e Vjeshtës.
Komente mbi autorin
"Grigor Banushi nuk zhgënjen as këtë herë, përkundrazi. Stili i tij është i përsosur dhe tabloja jetësore që ndërton është dinamike, personazhet janë të veçanta e të papërsëritshëm. Vepra përshkohet tejembanë nga humanizmi i thellë, nga thellësia e ndërlikuar e shpirtit njerëzor dhe e ekzistencës së qenies, kudo që ndodhet. Universi njerëzor qoftë në një metropol, apo në një bjeshkë të largët është i pamatë dhe i pakufi në shpalosjet e tij."
Diana Çuli
"Te librat e Grigor Banushit vëmë re të gërshetuar mjaft bukur kulturën e gjerë të autorit, si njohës i thellë i gurrës popullore, i legjendave, rapsodive, dhe si vëzhgues e njohës i mjediseve ku vepron, i personazheve të atyre mjediseve, duke na dhënë figura të tilla të arrira, dhe origjinale."
Ilinden Spasse