• Banner

Qyteti plak, Saimir Muzhaka
  • Qyteti plak, Saimir Muzhaka

Qyteti plak, Saimir Muzhaka

Ngjarjet zhvillohen në qytetin e Beratit, një qytet të cilin jemi mësuar ta shohim nëpër kartolina e ta vlerësojmë si një nga më të bukurit në Shqipëri, të fortë e të palëkundur. Megjithatë, ky roman shkon përtej sipërfaqësores, ai na fut në brendësi të qytetit i cili është i mbushur plot pasiguri dhe frikë.

700 Lekë
Sasia
Në gjendje

Përshkrimi

Titulli: Qyteti plak
Gjinia: Roman
Autori: Saimir Muzhaka
Shtëpia botuese: Onufri
Viti: 2017
Fq. 167
Pesha: 0.257 kg.
ISBN: 978-9928-226-82-2

Mbi librin

"Qyteti plak" nga Saimir Muzhaka u shpall fitues në konkursin e organizuar nga Ministria e Kulturës, në mbështetje të krijmtarisë letrare për vitin 2017. Edhe pse lexuesit janë skeptikë për të lexuar romane nga autorë të rinj shqiptar, ky nuk duhet të jetë "fati" i këtij libri. Ai meriton të lexohet dhe të vlerësohet për atë ç'ka mbart mes rreshtave të tij.

Ngjarjet zhvillohen në qytetin e Beratit, një qytet të cilin jemi mësuar ta shohim nëpër kartolina e ta vlerësojmë si një nga më të bukurit në Shqipëri, të fortë e të palëkundur. Megjithatë, ky roman shkon përtej sipërfaqësores, ai na fut në brendësi të qytetit i cili është i mbushur plot pasiguri dhe frikë, duke na paraqitur kështu një tablo të plotë të realitetit ku banorët e Beratit (dhe jo vetëm) jetojnë.

Një tërmet i rënë vite më parë qëndron si një fantazmë që vazhdon të trazojë vendasit dhe të ardhmen e tyre. Tre të rinj ndërrojnë jetë në të njëjtën ditë për shkaqe të pashpjegueshme. Të jetë një mallkim, një paralajmërim për një tjetër tërmet apo përtej të gjithave ka një arsye logjike, shkencore?

Geraldi është një i ri, i cili pas studimeve në Tiranë, kthehet në vendlindje dhe dashur pa dashur e gjen veten pjesë të një grupi hetimor mbi shkaqet e ndodhive në qytet. Ai do të intervistojë familjet e tre të vdekurve e do të mundohet të shpjegojë çfarë ka ndodhur me ta. Por a mund të shpjegohet vdekja, a mund të mendojmë si ajo e të kuptojmë se cilin zgjedh të marë me vete?

"Qyteti plak" më solli ndërmend një tjetër roman, fitues i Çmimit Pulitzer 1928, "Ura e Mbretit Shën Luigj" nga Thornton Wilder, por kësaj herë misteri dhe enigma vendoset në një realitet shqiptar. Ndaj, elementët origjinalë të këtij romani janë pikërisht elementët e vendit tonë, janë fjalët e një qyteti të vogël ku nuk mund të jetosh i qetë, janë fqinjët e gjithëdijshëm, janë të rinjtë plot ëndrra për kryeqytetin dhe të moshuarit, dyshues për të. Në një botë të tillë do të përplasen edhe personazhet e këtij romani dhe secili prej tyre do ju përcjellë ndjesi të forta e do ju bëjnë t'i mbani gjatë në mendje.

Në këtë qytet plak, zgjohen çdo ditë nëna me zemër të rënduar e të lënduar, në kërkim të më të mirës për fëmijët e tyre, të rinj plot ëndrra e shpresë e të moshuar që na japin mësime për jetën. Në përplasjen mes dashurisë dhe interesit, jetës dhe vdekjes, ngjarjet në roman do të rrokullisen drejt njerit kah. Cilit prej tyre? Fundi i librit është akoma më i bukur, më i mistershëm dhe me siguri, ashtu si unë, do t'i ktheheni për ta lexuar dy herë.

Saimir Muzhaka është një zë i ri në letërsisë shqipe, por premtues dhe këtë e dëshmon romani i tij i parë. Stili dhe teknika e tij narrative sjellim natyrshëm një realitet paradoksal të periferive në Shqipëri, të cilin të gjithë e njohim por pak dinë ta sjellin kaq bukur përmes rreshtave të një libri.

Fragment nga "Qyteti plak"

- Ku jemi?
Kjo është pyetja pa përgjigje. Ku jemi? Me pak fjalë, çfarë duam ne këtu? A jemi në vendin e duhur? A merr njeriu aq sa meriton? Apo, jep më pak nga ç'i takon? Vlen të qajë, të qeshë, të shajë? Ka shumë pyetje, por burimi është veç një: ku jemi? Ja që shkenca del pavlerë.

Detajet e librit
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13k)
16 libra të tjera në këtë kategori:

Botuesi: Te tjere

Pusi, Kim Mehmeti

(0)

Kurrë nuk e mora vesh nëse lulet u vyshkën për shkak të sëmundjes së nënës apo nëna u sëmur për shkak të vyshkjevs së luleve, por një javë përpara së të shpërnguleshin te shtëpia e re pranë lumit nëna ra në shtrat, ndërkaq lulet u vyshkën sikur t'i kishte djegur bryma.

Çmimi 700 Lekë
More
Në gjendje

Botuesi: Toena

Rrefimet e nje gruaje bionde, Margarita Stoja

(0)

Loreta u befasua nga ky deklarim. Do të kishte dashur të ishte një zë i tjetërkujt, i largët, që s'kish të bënte me dashurinë e tyre; do të donte të kish qenë një vegim. Nuk guxonte ta shikonte në sy, por bënte sikur po drejtonte batanijen që kish rrëshqitur nga krevati.

Çmimi 800 Lekë
More
Në gjendje

Referenca: SKU000042

Botuesi: Botimet Dudaj

Rruga e trëndafilave, Brunilda Zllami

(0)

Si engjëll! Kështu ishte ajo kur flinte. Kurora e artë e flokëve i binte mbi jastëk, si rreze drite që i jepnin më shumë bukuri këtij mëngjesi pranvere. Duart i mbante të mbledhura grusht afër buzëve që dukeshin si gonxhe, që drita ende nuk i kishte puthur për të çelur.

Çmimi 900 Lekë
More
Ne gjendje

Botuesi: UET Press

Pushteti, Blendi Fevziu

(0)

Blendi Fevziu është gazetari më i famshëm shqiptar i tranzicionit dhe autori më i shitur shqiptar me biografinë e Enver Hoxhës. Si i tillë, autori është mjaft i pushtetshëm, pra ai e njeh mjaft mirë enigmën e pushtetit, por pa qenë i detyruar si ata që i kanë thënë "Po" pushtetit, - ai nuk ka qenë i detyruar të pësojë deformimet e pushtetit.

Çmimi 950 Lekë
More
Në gjendje

Botuesi: Koha Ditore

Gjenerali i ushtrise se vdekur, Ismail Kadare

(0)

Një gjeneral dhe një prift italian, pas përfundimit të Luftës së Dytë Botërore, shkojnë "në vendin e bijve të shqipes". Misioni i tyre është i pazakonshëm, i vështirë dhe grotesk: ata kërkojnë eshtrat e bashkëkombësve të rënë në luftë dhe kthimin e tyre në atdhe.

Çmimi 800 Lekë
More
Ka mbaruar

Referenca: SKU001361

Botuesi: Te tjere

Ditari i Aranites, Njazi Bahiti

(0)

"Ditari i Aranitës" është më tepër një tentativë e autorit për të trajtuar një temë shumë aktuale e cila ka të bëjë me të ashtëquajturat reforma dhe presione mbi administratën publike, fenomen i cili tek ne bëhet evident sa herë ndërrohen pushtetet.

Çmimi 500 Lekë
More
Ka mbaruar

Botuesi: Pegi

Dopio gjashta, Darien Levani

(0)

Bardhyl Nini, një ish-polic dhe tashmë detektiv privat gjendet rastësisht i ngatërruar në një histori të rrezikshme korrupsioni. Ai gjendet mes dy zjarresh në kuptimin e vërtetë të fjalës: një grup brenda Policisë së Shtetit i ngarkuar me kapjen e kriminelëve të kërkuar nga Interpoli, por nga ku është zhdukur çdo lloj skrupulli dhe ndershmërie dhe një...

Çmimi 700 Lekë
More
Në gjendje

Botuesi: Onufri

Dashurite e virgjereshes Madalene, Ridvan Dibra

(0)

Parabolat e Ridvan Dibrës, për nga sintetizimi dhe vrullimi i imagjinatës, të kujtojnë parabolat e Kafkës apo skicat – enigma të Apdajkut. Dhe këtë ngjashmëri e përmendim me kuptimin e mirë që kanë paralelizmat në fushën e letrave, si ngjashmëri tipologjike, lidhur me një dukuri të re në letërsinë tonë.

Çmimi 560 Lekë
More
Në gjendje

Botuesi: Pegi

Dite e bardhe e fyer, Elvira Dones

(0)

Ilir Bejko është emigrant shqiptar që përpiqet deri në vetëmohim të jetë qytetar i denjë. Armikja e tij më e madhe është vetë origjina e tij. Gjatë përpjekjeve për të mbijetuar, njihet me Maks Baumanin, një zviceran i sërës së lartë, por i mbërthyer nga një ves që e largon nga gjithë bota.

Çmimi 1 000 Lekë
More
Në gjendje

Botuesi: Toena

Daullja prej letre, Besnik Mustafaj

(0)

Daullja prej letre është një roman me një strukturë ndryshe, në formë mozaiku, ku brenda një mendimi gjithëpërfshirës që shigjeton diktaturën dhe e përqesh atë, gjejnë strehë 9 rrëfenja të ndryshme e të mëvetësishme, si nëntë rrathë të ferrit.

Çmimi 800 Lekë
More
Në gjendje

Botuesi: Toena

Nje sage e vogel, Besnik Mustafaj

(0)

Ky libër, më shumë se një roman, është një përrallë e hidhur, me raste të përsëritura burlesku. Burgu, një institucion i paturpshëm i pushtetit totalitar, është konstantja e pakthyeshme në historinë e një vendi që mund të quhej Shqipëri, por shumë mirë mund të quhej edhe Serbi, Maqedoni ose Kosovë - emri nuk përmendet.

Çmimi 700 Lekë
More
Në gjendje

Botuesi: Botimet Dudaj

Hana, Elvira Dones

(0)

"E kështu, pra, zoti Doda, ju qenkeni poet." Pyet bashkudhëtari që për nëntë orë rresht të fluturimit me avion ka qenë ulur përbri Hanës. Radha e udhëtarëve që presin t'i kalojnë kontrollit të pasaportave në aeroportin ndërkombëtar të Washingtonit i shëmbëllen një gjarpri të lodhur.

Çmimi 800 Lekë
More
Ka mbaruar

Botuesi: Toena

Ditet e lakuriqeve te nates, Namik Dokle

(0)

“Ditët e lakuriqëve të natës”, krahas dy romaneve të mëparshme, plotëson triptikun romanor të Namik Dokles, shënjon vlerë të letrave shqipe. Gjashtë ditët e kohës letrare, vijnë përmes digresionit, japin shkërmoqjen e ëndrrave. Në fshatin e dashurisë së shprehur me lule, ka rënë tërbimi. 

Çmimi 700 Lekë
More
Në gjendje

Referenca: SKU001892

Botuesi: Tirana Times

Kryqe te bera me tul buke, Valter File

(0)

...kryqet i mbajnë të gjallët, ata i sjellin në gjithë jetën e tyre, nga fillimi deri në fundin e rrugës që u është caktuar. Ndaj jemi të gjallë, që të mbartim vuajtjet e mëkateve të të tjerëve dhe të mëkatëve tona, t'i sjellim ato nëpër gjithë jetën tonë, dhe për ta shkarkaur atë ditën e vdekjes.

Çmimi 800 Lekë
More
Ne gjendje
chat Përshtypjet (0)