Odin Mondvalsen, Kasëm Trebeshina

Titulli: Odin Mondvalsen, një histori dashurie
Gjinia: Roman
Autori: Kasëm Trebeshina
Shtëpia botuese: Buzuku
Viti: 2016
Fq. 104
Pesha: 0.129 kg.
ISBN: 978-9951-08-216-7

Komente mbi librin

""Odin Mondvalsen" e Kasëm Trebeshinës është vepër unikale e letërsisë shqipe, e cila në mënyrë lapidare arrin ta shpjegojë artistikisht dukurinë e totalitarizmit komunist. Trebeshina ndërton një rrëfim që e nyjëton idenë e shprishjes shpirtërore të individëve dhe të kolektivitetit...

Ai që e lexon "Odin Mondvalsenin" do të mund ta ketë të qartë pse shqiptarët e Shqipërisë Administrative aq pak janë të lidhur me kombin, pse e braktisin atdheun, pse nuk mund ta rimëkëmbin shtetin e tyre."

Ramadan Musliu

"Në vështrim të parë, por edhe në thellimin tek brendësia e materies tekstore, proza ""Odin Mondvalsen" formaton tiparet e antiromanit. Përcaktimi në të kundërtën e romanit (ironizimit të zhanrit klasik), buron nga forma artistike, sidomos nga mënyra se si e ka kompozuar veprën duke shprishur radhitjen lineare të episodeve dhe kapitujve."

Behar Gjoka

"Jo më kot kjo vepër, ndofta një nga më tragjiket e autorit, nuk titullohet as roman, as novelë, por "Një histori dashurie". Këto janë çastet e paparashikuara në programin e utopistëve, e nëse janë shpeshherë të paligjshme, bëhen edhe më të vyera. Ajo çka nuk mund ta konceptojë një shkrimtar që nuk e ka provuar mbi shpinë regjimin totalitar është pikërisht kjo: përshtatshmëria e njerëzve ndaj çdo situate, qoftë kjo edhe një përshtatshmëri e llojit odinmondvalsenian."

Aurel Plasari

""Odin Mondvalsen" u krijua në vitet 1955 – 1956, pikërisht në kohën e absurdit beketian, në kohën e antiromanit, në kohën e "rifrymëzimeve" me veprat e simbolistëve dhe prozën e tingujve të Gertrud Shtajnit, themeluesve të artit abstrakt dhe action art – it."

Veli Karahoda