Selam Aleikum Baba, Mustafa Nano

Titulli: Selam Aleikum Baba
Gjinia: Roman
Autori: Mustafa Nano
Shtëpia botuese: Saras
Viti: 2016
Fq. 208
Pesha: 0.263 kg.
ISBN: 978-9928-152-40-4

Mbi librin

Historia e dy vëllezërve Adlit që u konvertua në mysliman dhe Gonit që nuk besonte në jetën e qiellit...historia e dy djemve në Shqipërinë e pas viteve 90, përmes një rrugetimi të përbashkët për ti thënë lamtumirë të atit...Një libër jo vetëm për te kuptuar botën e një besimtari por dhe një rrëfim per të kuptuar vdekjen.

Fragment nga libri

Ishte i njëjti shi që binte qysh prej orëve të para të ditës, i dendur, i imët, dhe ishte aq i shtruar sa Adlit për një çast iu duk se nuk mbante mend të kishte jetuar, e nuk besonte se mund të jetonte, ndonjë ditë të jetës së vet pa këtë shi.

"Si zor të reshtë ky shi, nuk ka pse, është kaq normal, jemi kaq rehat me të", mendoi. "Një shi kuranik", ia bëri me vete pas pak, pa e vrarë mendjen shumë mbi përpikërinë e shprehjes. Në fakt, një nga gjërat që i kishte mbetur në kujtesë pas leximit të Kuranit për herë të parë ishte shiu, që Zoti e përmend si një nga dhuratat më të bukura që Ai vetë i ka bërë njerëzimit.

Nuk i kishte ndodhur që në një libër tjetër të përmendej shiu aq shumë. "Sikur Zoti ta kishte zgjedhur Profetin nga Këlni apo Karadifi ose Ch – ja, veç për shiun nuk do flitej", iu kujtua atij t'i kishte thënë Ben Hoda.