• Banner

Gotat e kristalit, Zharina Sinani
  • Gotat e kristalit, Zharina Sinani

Gotat e kristalit, Zharina Sinani

"Gotat e kristalit" është libri i parë i autores që sjell përmes imagjinatës së përndezur realitetin tronditës, fatin e njeriut, jetën e mërgimtarit dhe vrundujt e dashurisë, si ndjesia më sublime e qenies.

1 200 Lekë
Sasia
Në gjendje

Përshkrimi

Titulli: Gotat e kristalit
Origjinali: Gotat e kristalit
Gjinia: Roman
Autori: Zharina Sinani
Shtëpia botuese: Toena
Viti: 2015
Fq. 368
Pesha: 0.401 kg.
ISBN: 978-9928-205-10-0

Koment nga Behar Gjoka

"Gotat e kristalit" është libri i parë i autores që sjell përmes imagjinatës së përndezur realitetin tronditës, fatin e njeriut, jetën e mërgimtarit dhe vrundujt e dashurisë, si ndjesia më sublime e qenies.

Ndjenja e lashtë sa bota, në hapësirat e romanit, me tipare të rrokshme biografike, që ka ndërthurur realen me imagjinaren, derdhur artistikisht në formën e ditarit, që e shpalos gjerësisht shpirtëroren, duke ngjizur një ndjeshmëri rrezëllitëse.

Në faqet e librit vjen universi i qenies, teksa noton në ethet e dashurisë, përmes një situimi të beftë, të vuajtjes prej dashurisë, të vuajtjes së ëmbël dhe shpesh rraskapitëse, në kuptimin e sprovave që kapërcen.

Proza, si narrativë dhe strukturim, rrjedh natyrshëm, pa sforco dhe zbukurime të tepërta, përkundër skemës së prozëshkrimit të kësaj ndërkohje. Realiteti letrar zbulohet përmes poetikës së rrëfimit të unit të saj, të një kohe subjektive, çka ka mundësuar endjen e një realiteti që më tepër zbulohet në leximin e secilit lexues, ku ngjizet sprova e parë shkrimore e saj.

Fragment nga libri

Mbrëmë në darkë shkuam të hanim së bashku dhe ndenjëm deri në dy të mëngjesit në një bar në Glifadha, duke treguar dhe pjesët më të fshehta të kujtimeve tona. Ndiheshim të pirë. U ulëm buzë detit në vetminë tonë të përkëdhelur nga era e freskët, ndërsa deti ishte i qetë dhe misterioz.

U afruam me këmbët e zbathura të stamponim shputat tona në rërën e butë, ndërsa hapat tanë nisën të shkëlqenin si xixa të argjendta që të mahnitnin. Ai me sytë që i shndritën më tha:
- Eraaa! Deti është në dashuri! Çfarë mrekullie!
- Deti në dashuri?! - kurrë nuk e kisha dëgjuar një gjë të tillë dhe këmbët e mia nuk kishin shkëlqyer asnjëherë ndërsa e përshkonin atë ujë të kripur.
- Zhvishu! - tha ai, dhe nisi të hiqte këmishën. - Hiqi të gjitha rrobat. Është gjëja më e bukur që mund të na ndodhë, edhe Zoti qenka nga ana jonë, Eraaa!

U zhytëm në detin që lëshonte xixa të argjendta dhe në çdo lëvizje tonën ndienim drithërimën e ujit të ftohtë dhe trupat tanë që i dhanë ngrohtësinë njëri-tjetrit.

Mbi autoren

Zharina Sinani lindi në Tepelenë në vitin 1973, por u rrit dhe studioi në Tiranë. Prej shumë vitesh jeton dhe punon si mediatore e gjuhës dhe e kulturës në Toskana, Itali, së bashku me familjen.

Detajet e librit
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13k)
Ndoshta mund të pëlqejë edhe

Botuesi: Toena

Kollare akulli, Haxhi Kalluci

(0)

Poezitë e Haxhiut janë poezitë e dashurisë për njeriun. Ai iu kushton miqve dhe shokëve me devotshmëri poezi të ndiera dhe këto poezi janë si skulptura të vogla për ta. Ndonjëherë nga poezitë spikat një lloj irnosje, madje shkëlqejnë vetëtima ironie dhe humori. Ka një dashuri të parrëfyer për vendlindjen, por edhe për kombin shqiptar në tërësi.

Çmimi 1 000 Lekë
More
Në gjendje
16 libra të tjera në këtë kategori:

Referenca: SKU001816

Botuesi: Toena

Lekura e qenit, Fatos Kongoli

(0)

Një histori dashurie e rishfaqur në tri breza, një takim plot pikëpyetje e të panjohura me mijëvjeçarin e ri, një përpjekje për t'u çliruar nga dhembjet e së kaluarës. Po a është e mundur të shpëtojmë nga ankthi i hijeve tona?

Çmimi 600 Lekë
More
Në gjendje

Referenca: SKU000590

Botuesi: Albin

Memedhembje, Shkelqim Cela

(0)

Nuk ka rëndësi se kush është. Nuk ka rëndësi se nga vjen. Me sa duket rëndësia e fundit mbetet në atë çfarë i jep dritë dora në fund- faqeve të bardha. Dhe, Spiro Dede, botuesi i "Albin", kur ka vendosur që të botojë librin e parë të publicistit me titull "Mëmëdhembje", nuk ka hezituar.

Çmimi 1 000 Lekë
More
Ka mbaruar

Referenca: SKU000757

Botuesi: Albas

Kufiri, Profi

(0)

Edhe pse nuk e dinte se çka ishte simboli, metafora, krahasimi e të tjera si këto, ama kishte një figurë që e njihte mirë; ishte përpëlitur gjatë mes paradoksesh të mëdha që ia marrosnin jetën dhe herë – herë e bënin të ngulfatej në atë mes.

Çmimi 600 Lekë
More
Ne gjendje

Referenca: 2086

Botuesi: Princi

Saga e nji dite, Lisandri Kola

(0)

Lisandri Kola, i lindur në Shkodër më 12 maj 1986, ka mbaruar studimet e larta për Gjuhë shqipe dhe letërsi në Universitetin "Luigj Gurakuqi" në vitin 2008. Në Universitetin e Tiranës ka mbaruar studimet për letërsi në 2010 në drejtimin Teori dhe kritikë letrare. Ndërkohë ndjek Shkollën Doktorale për Letërsi, pranë UT.

Çmimi 400 Lekë
More
Ka mbaruar

Botuesi: Zenit Editions

E katerta, Balil Gjini

(0)

Shenja e hatasë që do të pllakoste qytetin tonë ishte dhënë qysh më parë, ishte dhënë qysh kur një tufë korbash i lanë sprethet e shkëmbinjve e të honeve dhe filluan të vejevinin mbi akrepat e sahatit të qytetit tonë, duke kruar sqepat në ta, duke u cpërfëndur gjithë sevda zie me njëri – tjetrin dhe, ç'është më e keqja, duke i ngarkuar ata me glasa të...

Çmimi 600 Lekë
More
Ne gjendje

Botuesi: Botimet Dudaj

Nderhyrjet e zotit Shyti, Ardian Vehbiu

(0)

Që ky libër merr përsipër të riprodhojë monologë dhe situata të këtij personazhi që mban emrin tim, frekuenton të njëjtat mjedise si unë dhe miqtë e mi dhe që, në thelb, pretendon të jetë i njëjti me mua, kjo më lë mua, personin real, indiferent.

Çmimi 800 Lekë
More
Në gjendje

Botuesi: Botimet Dudaj

E premte pasdite, Brunilda Zllami

(0)

Këtë herë shkrimtarja Brunilda Zllami, ka qëlluar në shenjë të plagëve që e mundojne shoqërinë tonë. Në një mjedis tejet shqiptar, personazhet të kujtojnë diçka të parë e të dëgjuar rreth teje, sillen e përsillen në një përshtjellim ndjenjash që të mbërthejnë.

Çmimi 1 200 Lekë
More
Në gjendje

Referenca: 2355

Botuesi: Botimet Dudaj

Atdheu i diteve tona, Lindita Mamli

(0)

Lindita Mamli u diplomua në Universitetin e Tiranës për italisht. Ka botuar në Itali në vitin 1996 "Scogliete il mare" dhe "Oltre il destino" në 1999. "Amori rimasti a meta" u botua në vitin 2003. Poezitë e saj janë botuar në dy antologji shkrimtarësh të huaj në Itali.

Çmimi 400 Lekë
More
Ne gjendje

Referenca: SKU001707

Botuesi: Te tjere

Korniza, Agim Cerga

(0)

Ne marrim frymë brenda mureve që janë mijëra herë më të gjata se kordoni i telave që rrethon kazermat...Por ka një mur tjetër, edhe më të madh se ky, madje më të madh sesa muri i Kinës dhe më të tmerrshëm sesa muri i Berlinit.

Çmimi 600 Lekë
More
Ka mbaruar

Botuesi: Onufri

Nomeja e larget, Faik Ballanca

(0)

Romani "Nomeja e largët" i Faik Ballancës më pëlqeu. Asnjë nga akuzat që i bën redaksia nuk qëndrojnë. Ky është romani i tij i parë dhe çuditem se si ka mundur të realizojë një strukturë kompozicionale të tillë, sa të vështirë aq edhe moderne.

Çmimi 1 000 Lekë
More
Ka mbaruar

Botuesi: Botimet Dudaj

Dashuri në kohën e komunizmit, Bessa Myftiu

(0)

Ka gjithashtu diçka shekspiriane në këtë roman të autores Bessa Myftiu, shqiptare me banim ne Zvicër që shkruan në gjuhën frënge. Ajo e mban fillin e historisë me dy duar, njëra e marrë dhe tjetra e mençur, duke harmonizuar mrekullisht të papriturat befasuese me realizmin e tablosë së ndjenjave dhe forcën e emocioneve.

Çmimi 1 000 Lekë
More
Në gjendje

Botuesi: Pegi

Tokemjalta, Enit Karafili Steiner

(0)

Një rrëfim i shtruar, qetësues në sipërfaqe, e megjithatë mbartës i kontradiktave të modernitetit tonë sa të ngutur, aq edhe të vonuar. Një dashuri e hershme, rrjedha e së cilës bëhet jehonë e jetëve të rrëmbyeshme e të lodhshme të shqiptarëve, brenda dhe jashtë kufijve kombëtarë.

Çmimi 800 Lekë
More
Në gjendje
chat Përshtypjet (0)