Titulli: Tej portave të dhimbjes
Origjinali: Tej portave të dhimbjes
Gjinia: Roman
Autori: Besnik Allushi
Shtëpia botuese: Toena
Viti: 2015
Fq. 168
Pesha: 0.201 kg.
ISBN: 978-9929-4271-9-9
Koment nga Vath Korreshi
Ky roman, siç e dëshmon edhe titulli, është në frymën e përjetimit të dhimbjes së madhe, por në të vërtetë aty tregohet me talent të veçantë dhe në mënyrë tronditëse për dashurinë e madhe njerëzore. Nga intensiteti i transmetimit të dhimbjes së nënës ndaj humbjes së pjellës së vet, ai të kujton, ndoshta, vajin e Ajkunës që qan Omerin.
Ajo që të mahnit edhe më shumë, Besnik Allushi, një emër që shpreh bindjen se së shpejti do të tërheqë vëmendjen e lexuesit, këtë brilant të dhimbjes e shpreh në mënyrën më të thjeshtë, përmes një fabule shumë të thjeshtë dhe me thjeshtësinë që kanë zakonisht veprat e shkruara nga talente të vërtetë.
Në një kohë që dëgjojmë për kaq shumë krime, për kaq shumë vrasje, në një kohë të tillë me varre kolektive dhe me humbje të mëdha djemsh e vajzash nëpër rrugë fatesh të mbrapshta dhe, së fundi, në një kohë kur të duket se ka rënë vlera e njeriut dhe dhimbja për të duket se është kthyer në një rit, Besnik Allushi na tregon me forcë të jashtëzakonshme për vlerën dhe për dashurinë ndaj njeriut.
Qëllimi ka qenë të na kujtojë në këtë mënyrë thellësinë e kësaj ndjenje, kur të ngjan se ajo është ndër më të shpërfillurat ndër kaq tragjedi dhe drama të mëdha që përjetojmë. Është një mesazh, kështu, ndër ata, që, në mënyrë të pandjeshme, shoqërojnë veprat e rëndësishme.