Aresa, Rrona Jaka

Titulli: Aresa
Origjinali: Aresa
Gjinia: Roman
Autori: Rrona Jaka
Shtëpia botuese: Dituria
Viti: 2015
Fq. 160
Pesha: 0.301 kg.
ISBN: 978-9928-4280-1-1

Mbi librin

Aresa, romani që mban për titull emrin e një prej personazheve të tij, rrëfen dashurinë mes të rinjve të ditëve të sotme - në shumë plane -, përpjekjet e tyre për gjetjen e vetvetes dhe kërkimin e lirisë; në thelb kjo vepër synon të zbehë paragjykimet dhe tabutë e shoqërisë sonë.

Aftësia e autores për t'u futur në psikologjinë e personazheve dhe ndjeshmëria e saj, ndërthuren me elemente të romanit policor, poezinë dhe rrëfimin klasik. Ky është romani i parë i një autoreje të re, por premtuese dhe të talentuar.

Fragment nga libri

Pikërisht për këtë fakt ai u mbyll në një institucion të specializuar për sëmundjet mendore, një spital psikiatrik - thuhej në deklaratën për shtyp. Çështja u bë temë për dy a tri ditë, por u pluhuros shpejt, si çdo gjë tjetër. Pas këtij lajmi, gazetat nuk u morën më me të, duke i dhënë fund njëherë e mirë çështjes 33AD, dhe e larguan përgjithmonë Alanin nga Prishtina, por edhe nga Rita.
- Është më mirë kështu,- foli Alani pa e kthyer kokën mbrapa.