Orgji ne famulline e at Ludovikut, Leonard Veizi

Titulli: Orgji në famullinë e at Ludovikut
Origjinali: Orgji në famullinë e at Ludovikut
Gjinia: Roman
Autori: Leonard Veizi
Shtëpia botuese: Omsca – 1
Viti: 2013
Fq. 260
Pesha: 0.294 kg.
ISBN: 978-9928-132-31-4

Mbi librin

Një roman ku ndërthuret trileri me psikologjinë, jeta moderne dhe e provincës, engjëjt dhe djajtë. "Orgji në famullinë e at Ludovikut" është një vepër e shtrirë në plan universal. Si edhe më parë, letërsia e Veizit del nga kufijtë e së zakonshmes, duke synuar hapësira dhe mundësi të reja.

Romani "Orgji në famullinë e at Ludovikut" sjell jo vetëm dramën dhe dilemat e një prifti katolik, por mbi të gjitha është një pasqyrë e krizave të ndryshme që ndeshen në jetën e komunitetit.

At Ludoviku është në një dilemë të madhe. Ajo çka e mundon shumë është informacioni që ka skeduar në trurin e tij gjatë periudhës që shërben në famullinë e një qyteti të vogël e të largët. I duhet të mbajë mbi supe mëkatet e tij dhe të shumë të tjerëve.

Sipari i romanit hapet me një skenë krimi. Në prapaskenë rivalizojnë një oficer i policisë kriminale dhe një tjetër oficer i shërbimit të fshehtë: cili mbledh më shumë informacion për të mbërritur tek shkaqet e vërteta të krimit. I vetmi që ka kyçin e sekretit është prifti i famullisë.

Çdokush kërkon të dijë gjithçka që ndodh në qytet. At Ludoviku nuk ka nevojë të kërkojë: gjatë ritualit të rrëfimit të mëkateve nga besimtarët ai mëson gjithçka bëhet përreth tij, krimet monstruoze dhe prapaskenat e shëmtuara të jetës njerëzore.