• Banner

Syte e Sofise, Nasi Lera

E tillë është historia e mësueses Sofi e gjendur e vetme, vejushë në këtë qytet të harruar e të mbuluar nga bora. E tillë është historia e Andreas kthyer nga Parisi në një realitet të cilin duket se e kishte harruar. Tronditëse janë verbimi i qenit, vrasja e tij; rrëmbimi i vezëve të zogjve të lejlekut dhe zëvendësimi me vezë të ziera.

1 000 Lekë
Sasia
Ne gjendje

Përshkrimi

Titulli: Sytë e Sofisë
Origjinali: Sytë e Sofisë
Gjinia: Roman
Autori: Nasi Lera
Shtëpia botuese: Toena
Viti: 2011
Fq. 385
Pesha: 0.301 kg
ISBN: 978-99943-1-739-4

Mbi librin

Figurat stilistike, rrëfimi që të lë gjithmonë në pritje të diçkaje tronditëse, imtësia e zgjedhjes së fjalëve, dialogët e kursyer, personazhe për të cilët dimë aq pak së jashtmi, por aq shumë për brendinë e tyre. Metaforat domethënëse si ajo e qenit të verbër; e shenjtes Sofi që i kanë nxjerrë sytë; e dëborës që duket sikur bie për të mbuluar çdo gjurmë e çdo fjalë, e rrugëtojnë mendjen e lexuesit në labirinte nga të cilat duket se duhet të gjejnë çelësin për të dalë. Në qoftë se do të duhej një fjalë për ta përshkruar këtë roman do të ishte: tronditës.

E tillë është historia e mësueses Sofi e gjendur e vetme, vejushë në këtë qytet të harruar e të mbuluar nga bora. E tillë është historia e Andreas kthyer nga Parisi në një realitet të cilin duket se e kishte harruar. Tronditëse janë verbimi i qenit, vrasja e tij; rrëmbimi i vezëve të zogjve të lejlekut dhe zëvendësimi me vezë të ziera, derisa ai vdiq aty i mbuluar nga bora; reagimi i banorëve përpara vrasjes së një vajze të re etj. Në një qytet të vogël ngërthehet e gjithë jeta e shqiptarëve.

Romani rrëfen për një qytet të Shqipërisë i paidentifikuar, ose i identifikuar me emrin qyteti H. Që në fillim autori na prezanton me dy personazhe që i lidh pashmangshmërisht vetmia e tyre: burri dhe qeni. Janë vitet e tranzicionit ku papritur personazhi kryesor e gjen veten në vendlindjen e harruar: H, në shtëpinë ku prindërit e tij kanë kaluar të lumtur jetën e tyre dhe ku ai duket se është i arratisur prej Parisit prej një kërcënimi misterioz. Rrugët e kryqëzojnë me Sofinë, mësuesen e bukur të qytetit të vogël e cila mbart dhimbjen e humbjes së të shoqit. Ky qytet i vogël, i heshtur e monoton fsheh mistere të cilat autori i zbulon dalëngadalë.

Fragment nga libri

Drithërima që ndjeu pak më parë u përsërit më e fuqishme. Dhe ata nuk po ia ndanin vështrimin njëri-tjetrit dhe, për një çast, humbën në thellësinë e tyre. Dhe ai ishte një çast kur çdo lëvizje ngrinte në një pikë të vetme. Lulet e bardha të kumbullave të egra ishin të vetmet që lëkundeshin jashtëkohe në hapësirë. Dhe, papritmas, Sofisë iu duk sikur dëgjoi një fëshfërimë të druajtur në qelqet e dritareve.

Ajo e njihte atë fëshfërimë që fëmijë, por nuk guxonte të kthente kokën, sepse nuk donte që fëshfërima të ishte vetëm brenda saj. Por nuk i bëri dot ballë tundimit dhe ktheu kokën dhe vështroi nga dritarja. Pastaj u çua me vrull dhe eci drejt saj. Disa flokë të rrallë dëbore rrëshqitën mbi qelq. Dhe kishte filluar dëbora e parë.
- Po bie dëborë! - tha Sofia dhe u kthye nga Andrea.

Edhe ai u çua me zhurmë nga karrigia dhe u hodh drejt dritares. Dëbora binte mes fashës që hidhte drita, e rrallë, e lehtë, e frikësuar.
- Dëbora e parë që po shoh këtu, - dëgjoi Andrean.

Zëri i tij i përkëdheli flokët. Dhe, pa e kuptuar, Sofia mbështeti shpinën pas gjoksit të Andreas. Ai e rrethoi me krahët e tij dhe e shtrëngoi fort. Pastaj e ktheu nga vetja dhe Sofia mbylli sytë para se ai ta puthte. Dëbora e parë ngatërrohej në sytë e saj të mbyllur me petalet e bardha të kumbullave të egra.

Mbi autorin

Nasi Lera u lind në Korçë, ku mbaroi shkollën e mesme, ndërsa studimet e larta i kreu në Universitetin e Tiranës, në degën gjuhë-letërsi shqipe. Ai tërhoqi vëmendjen e lexuesve dhe të kritikës që në tregimet e para për nivelin e tyre të lartë artistik. Veprat e tij u vlerësuan menjëherë me çmime në konkurset kombëtare si dhe me "Çmimin e Republikës".

Disa prej tregimeve të Nasi Lerës u përkthyen në bullgarisht, rusisht, hebraisht, italisht, frëngjisht, gjermanisht, anglisht. Ai ka botuar këto vëllime me tregime: "Bora e fundit", "Era e pishave", "Nisemi, djema", "Ditë nga ky shekull", "Sytë e dashurisë", "Treni ecte drejt dëborës", "Duaje emrin tënd", "Ulërima e heshtur", si dhe romanet: "Gjaku i prillit", "Të jetosh kohën", "Orët e qytetit të vogël", "Balada e vetvetes", "Nata e premierës", "Ngjallja e diktatorit", "Ana Zh.", "Njeri pa stinë". Romani "Sytë e Sofisë" është romani i tij i nëntë.

Një vend të madh në krijimtarinë e shkrimtarit zënë përkthimet e autorëve nobelistë si E. Heminguej, A. Kamy, J. Saramago, G. G. Marquez, A. Zhid, Le Clezio, M. V. Llosa, J. Kavabata, Kenzaburo Oe, si dhe të autorëve të mëdhenj si M. Kundera, M. Duras, M. Turnie, Akutagava, S. de Bovuar, M. Gallo, D. Merezhkovski etj.

Detajet e librit
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13k)
Ndoshta mund të pëlqejë edhe

Botuesi: Botimet Dudaj

Te gjalle dhe te vdekur, Nasi Lera

(0)

Romani më i fundit i shkrimtarit Nasi Lera, "Të gjallë dhe të vdekur", përmban gjithçka që duhet të ketë një roman, po të kemi parasysh kriteret për romanet e autorëve më të shquar: të vërtetën, të bukurën, tronditësen, qartësinë dhe shijen e mirë të asaj që kritika anglosaksone e quan natural storyteller.

Çmimi 1 000 Lekë
More
Ne gjendje
16 libra të tjera në këtë kategori:

Referenca: SKU000656

Botuesi: Onufri

Kështjella, Ismail Kadare

(0)

Në romanin "Kështjella" Ismail Kadare kthen sytë nga mesjeta shqiptare. Në dukje i distancuar dhe i paanshëm, ai rrok veprimet për rrethimin e një kështjelle shqiptare nga një ushtri turke prej shtatëdhjetë mijë vetash në formën e një romani historik.

Çmimi 700 Lekë
More
Ne gjendje

Botuesi: Toena

Daullja prej letre, Besnik Mustafaj

(0)

Daullja prej letre është një roman me një strukturë ndryshe, në formë mozaiku, ku brenda një mendimi gjithëpërfshirës që shigjeton diktaturën dhe e përqesh atë, gjejnë strehë 9 rrëfenja të ndryshme e të mëvetësishme, si nëntë rrathë të ferrit.

Çmimi 800 Lekë
More
Në gjendje

Referenca: 2091

Botuesi: Onufri

Karpa, Martin Camaj

(0)

Bota e trilluar e Karpës është ngritur mbi dy shtylla: nga njëra anë, mbi atë historiko – gjuhësore, që i lejon Camajt të çjerrë velin e pluhurosur të kujtesës e të depërtojë me fuqinë e fantazisë krijuese në skutat e një të shkuare të moçme të padëshmuar nga fiset e malsorëve shqiptarë; nga ana tjetër, mbi shtyllën a

Çmimi 900 Lekë
More
Ne gjendje

Botuesi: Zenit Editions

E katerta, Balil Gjini

(0)

Shenja e hatasë që do të pllakoste qytetin tonë ishte dhënë qysh më parë, ishte dhënë qysh kur një tufë korbash i lanë sprethet e shkëmbinjve e të honeve dhe filluan të vejevinin mbi akrepat e sahatit të qytetit tonë, duke kruar sqepat në ta, duke u cpërfëndur gjithë sevda zie me njëri – tjetrin dhe, ç'është më e keqja, duke i ngarkuar ata me glasa të...

Çmimi 600 Lekë
More
Ne gjendje

Botuesi: Pegi

Tokemjalta, Enit Karafili Steiner

(0)

Një rrëfim i shtruar, qetësues në sipërfaqe, e megjithatë mbartës i kontradiktave të modernitetit tonë sa të ngutur, aq edhe të vonuar. Një dashuri e hershme, rrjedha e së cilës bëhet jehonë e jetëve të rrëmbyeshme e të lodhshme të shqiptarëve, brenda dhe jashtë kufijve kombëtarë.

Çmimi 800 Lekë
More
Në gjendje

Referenca: SKU001636

Botuesi: Te tjere

Pafajesi nene, Bukurije Bushati

(0)

Bukurije Bushati ka lindur më 18.04.1956 në Durrës. Në vitet 1972-1975 ka mbaruar shkollën e mesme në gjimnazin "Gjergj Kastrioti". Në vitet 1986-1990 mbaroi Universitetin Shtetëror Dega Juridik me korrespondencë. Në 1993 është larguar në Itali dhe më pas në Gjermani, ku jeton edhe sot me familjen.

Çmimi 800 Lekë
More
Ka mbaruar

Referenca: SKU001534

Botuesi: Te tjere

Ditari i nje emigranti, Thoma Duka

(0)

Kur ra regjimi komunist dhe fitoi demokracia dhe unë si gjithë të tjerët emigrova,"ashtu si shtegëtojnë dallandyshet për në vendet e ngrohta dhe rikthen përsëri kur ngrohet koha". Kështu mendova edhe unë, por sot vazhdoj të jetoj akoma emigrant në Greqi.

Çmimi 500 Lekë
More
Ka mbaruar

Botuesi: Toena

Njeriu me fat, Fatos Kongoli

(0)

Në këtë libër, Kongoli risjell një personazh të njohur të tij, inspektorin Sabit Kurti. Në prag të pensionit, ai ngarkohet me një detyrë të fundit, disi të veçantë, të shmangë vrasjen e paralajmëruar të një personin VIP. S'dihet kush do të jetë viktima, as vrasësi, as motivet e vrasjes.

Çmimi 1 000 Lekë
More
Ne gjendje

Botuesi: AIIS - Tirana Times

Curvid19, Pandi Laço

(0)

I shkruar në periudhën e karantinës në muajt e parë të vitit, “Curvid19” është një kronikë e jetës së personazhit kryesor, Nikut, në ato pak javë të shpërthimit të pandemisë, kur ende askush nuk e dinte se me çfarë kishte të bënte.

Çmimi 1 000 Lekë
More
Në gjendje

Referenca: SKU001531

Botuesi: Toena

Iluzione në sirtar, Fatos Kongoli

(0)

I ndërtuar mbi dy motive të ndërthurura, jeta e shkrimtarit dhe rruga e tij e vështirë drejt letërsisë, ky "pothuajse roman", me personazh qendror vetë autorin, na sjell pamje të papërsëritshme epokash, të djeshme dhe të sotme.

Çmimi 1 000 Lekë
More
Ne gjendje

Referenca: SKU001199

Botuesi: AIIS - Tirana Times

Zëra nga burime të nxehta, Sabri Godo

(0)

"Zëra nga burime të nxehta" mbetet një libër i veçantë. Ai vjen për të dëshmuar se ka autorë dhe vepra që janë shkruar pa pasur në krahun e majtë "rregulloren" e realizmit socialist, me heroin pozitiv, partishmërinë, tendenciozitetin klasor e të tjera.

Çmimi 1 000 Lekë
More
Ne gjendje

Referenca: SKU001231

Botuesi: Toena

Engjëj të armatosur, Diana Çuli

(0)

"Engjëj të armatosur" sipas kritikës është romani më i arrirë i Diana Culit. Një punë shumëvjecare kërkimore e hulumtuese mbi histori lufte e histori njerëzore të ndërthurura në tragjeditë më të rënda që ka prodhuar shoqëria shqiptare, një thellim në kohë dhe hapësirë për të kuptuar honet e shpirtit.

Çmimi 600 Lekë
More
Ka mbaruar

Referenca: SKU000783

Botuesi: Onufri

Darka e gabuar, Ismail Kadare

(0)

Një darkë krejtësisht e pazakontë, me një mister midis, është subjekti i romanit më të ri të Kadaresë. Ndonëse e bazuar mbi një ngjarje të vërtetë, që ka trazuar vite më parë një qytet të tërë.

Çmimi 700 Lekë
More
Në gjendje

Referenca: SKU001646

Botuesi: Onufri

Koncert në fund të dimrit, Ismail Kadare

(0)

Kadare është i rrahur në të gjitha dallgët e artit modern bashkëkohor. Veçse ai gëzon avantazhin e madh që kurrë të mos ketë pasur nevojë të çajë kryet për recensentët gjermanë. Ai ka mundur ta mbrojë veshjen e artit të tij nga gjithë luspat e shëmtuara të "izmave" zhurmëmëdha, aq shumë të çmuara prej "doktorëve" tanë të kritikës.

Çmimi 1 000 Lekë
More
Në gjendje
chat Përshtypjet (0)