Titulli: Polina
Origjinali: Polina
Gjinia: Roman
Autori: Agim Hamiti
Shtëpia botuese: GEER
Viti: 2010
Fq. 418
Pesha: 0.44 kg
ISBN: 978-99956-88-96-7
Mbi librin
Polina, romani më i ri shkrimtarit Agim Hamiti, është himn i një dashurie subleme. Një dashuri e linduer në një ambjent, i cilipak apo aspak ka lidhje me ndjenjën e dashurisë: në një shtëpi publike... Fjordi është bir i një familje inelektuale shqiptare, e cila punon dhe jeton në Marsejë.
Martini, i ati tij, një arkitekt i shkëlqyer, është një nga emrat e respektuar në rrethin e intelektualëve të shoqërisë i cili shpreson, duke inkurajuar, që i biri të zgjedhë rrugën e drejtë në jetë. Në shembullin e të ati, i riu Fjodor vendoset mes dy zgjedhjesh: arkitekt apo psikolog, degë të cilën e dashuron. Diplomohet me rezultate të larta në psikologji dhe në tentativë për të filluar punë në një spital psikiatrik vëren se ajo botë është tepër e rëndë për të.
Për qëllime studimore ndërmerr një detyrë jo aq të lehtë për një të ri me aspirata të larta profesionale, studimin psikologjik të sjelljes së femrave në një shtëpi publike, aty ku jo rrallë përfundojnë edhe femra që nuk duan ta luajnë atë rol. Për "Parajsën e seksit" ishte e rrallë prania e një djaloshi të ri dhe të bukur, ndaj dhe prania e tij nuk kaloi indiferente edhe për të zonjën e "strehës dashurore".
Diku mes të tjerave, Fjodori befasohet nga pamja e një krijese që ai do ta quante: freski magjepsëse. Poline Malarme, e shpallur Miss Marseja 1935, duket se fati nuk e ka përkëdhelur dhe aq. Pas vdekjes së të atit, familja e saj merr rrokopujën dhe rezultati është punësimi në shtëpinë publike ku nis të prostituojë.
Një ndjenjë e ëmbël duket se nis të marrë jetë mes të dy të rinjve dhe pikërisht dashuria e Fjodorit arrin ta nxjerrë nga ajo ëndërr e keqe. Në zjarrminë e dashurisë së lirë, ata nisin të ndërtojnë jetën e tyre, duke kapërcyer edhe pengesat familjare për shkak të së kaluarës së hidhur të Polinës.
Një jetë e re nis pë të rinjtë, të cilët vendosin që çatinë ta ngrenë në Egjipt, pas ekspeditave të zhvilluara më parë. Aty ku duket se çdo gjë lulëzon në qiell të hapur, një re e zezë duket se përmbys gjithçka. Fjodori mëson se i ati nuk është mirë dhe është kthyer në Shqipëri. Tashmë, i larguar prej shtatë vjetësh nga prindërit, ai vendos të kthehet me Polinën në Shqipëri.
Në Shqipëri ishte koha kur çdo gjë bëhej "në emër të popullit" dhe shumë shpejt edhe Fjodori me Polinën u prezantuan me këtë realitet. Si të ardhur nga jashtë dhe me të ardhura e pasuri të mjaftueshme, shumë shpejt u vunë në objektiv duke u marrë çdo gjë që kishin në pronësi. Dhe nuk mjaftoi kaq. Fjodori arrestohet për agjitacion dhe propagandë kundër pushtetit popullor.
"Rrëshqitje në humnerë" do ta quante me të drejtë autori një jetë të begatë, të ngritur mbi sakrifica. Me gjithë përpjekjet për t'i kthyer mendjen Polinës të kthehet në atdhe, ajo tashmë e ka marrë vendimin, do të qëndrojë pranë bashkëshortit të saj me të cilin kanë ndarë aq momente të vështira dhe të lumtura.
Me përkushtim dhe dashuri nisin rrugëtimet e gjata e të mundimshme për t'ju gjendur sadopak në ambientet e largëta të burgimit. Shpejt ballafaqohet me një realitet të paimagjinueshëm, kushtet mizerje, dhunën, ecjet në të ftohtin e acartë, në sakrifikim të një dashurie të ruajtur në zemër, një dashuri që do të rrojë më shumë se trupi i saj i brishtë...