Titulli: Las Varrezas
Origjinali: Las Varrezas
Gjinia: Roman
Autori: Zija Çela
Shtëpia botuese: Ideart
Viti: 2005
Fq. 288
Pesha: 0.292 kg
ISBN: 978-99943-695-8-X
Komente mbi autorin
"Kam një rekomandim këmbëngulës: lexojeni Çelën."
Eqrem Basha
"Identiteti i prozës moderne shqiptare do të ishte i gjymtuar pa prozën e Zija Çelës, sidomos pa triptikun e romaneve të tij të mrekullueshme për jetën e vdekjen. Një mënyrë të këtillë të rrëfimit dhe të zhvillimit të situatave mbi parimet e lëvizjeve të brendshme koncentrike, gjithsesi do të mund ta ndërtonte vetëm një mjeshtër i sprovuar i artit të romanit, çfarë është Zija Çela."
Xhemail Mustafa
"Teknikën e rimarrjes deri tani në letërsinë tonë e ka përdorur me sukses Ismail Kadare... Zija Çela e zotëron këtë mënyrë të shkruari mjeshtërisht. Ai zotëron njëkohësisht si asimetrinë e saj, copëzimin, shpërndarjen e subjektit, ashtu dhe harmoninë, unitetin."
Remzi Lani
"Sipas shkrimtarit Zija Çela, mund të hysh në historinë e letërsisë dhe mund të mos mbetesh në letërsi. Ky mendim interesant na kumton se letërsia e madhe ose e vërtetë është ajo që mbetet gjithmonë letërsi dhe jo histori e saj. Me veprën e tij, Zija Çela hyn tek ata shkrimtarë të rëndësishëm që po bëjnë letërsinë shqipe."
Visar Zhiti
"Unë përsëri dëshiroj të them se Zija Çela është prozatori, i cili e kaloi me sukses atë tranzicion që kaloi letërsia shqipe. Për mua, është prozatori më i mirë pas Kadaresë."
Lazër Stani
"Historitë që tregon Zija Çela të befasojnë për nga gjetja e realizimi artistik, si dhe të vënë në mendime. Ai duket se kërkon një lloj të ri lexuesi, deviza e Andre Zhidit "Unë shqetësoj" i përshtatet më së miri prozës së tij."
Ilia Lengu
"Proza e Zija Çelës mund të merret model ilustrativ për vrojtime teorike narrative, sidomos në lidhje me intertekstualitetin, që konsiderohet si një veçori e postmodernizmit në prozë. Në këtë rrugë, autori provon mjeshtërinë e vet në zotërimin e dy kategorive themelore të poetikës narrative, të kohës e të hapësirës, dhe Çela dëshmohet si i tillë, si mjeshtër i vërtetë në prozën bashkëkohore shqiptare."
Ali Aliu