Titulli: Tregtari i skeleteve
Origjinali: Tregtari i skeleteve
Gjinia: Roman
Autori: Kasëm Trebeshina
Shtëpia botuese: Buzuku
Viti: 2006
Fq. 256
Pesha: 0.371 kg.
ISBN: 9951-08-061-8
Mbi librin
Tregtari i skeletëve ka si motiv esencial të rrëfimit rolin e intelektualit klasor. Asmut Rrakatja niset në misionin politik për të mbledhur skeletët, të cilët do të dëshmonin përmasën e fitores. Bredh nga despotati në despotat në kërkim të eshtrave, numri i saktë i të cilëve është i lëvizshëm. Pikërisht këtë dilemë duhet ta zgjidhë artisti – personazh, duke e plotësuar numrin, qoftë edhe në imagjinatën e tij.
Mbi autorin
Kasëm Trebeshina (1926) është një nga shkrimtarët dhe intelektualët e rrallë që veprën letrare dhe filozofike e shtyn drejt disidencës (27 vjeç shkruan Promemorien profetike drejtuar diktatorit Hoxha lidhur me pasojat e totalitarizmit) në sferën e letërsisë, artit të pastër, në domenin e ideve filozofike: në rrafshin e konkurrencës europiane të intelektualitetit. Kjo është sfida e artit trebeshinian, e pakuptuar jo vetëm brenda kulturës shqiptare.
Trebeshina nuk është Havel, Solzhenicin, por as Kundera apo Mandela. Ai është personalitet unikal, i paimitueshëm në letërsi dhe paradigmatik në planin e ideve. Autor i 76 dramave, dhjetëra romaneve (nga ato antitotalitariste deri tek trilogjitë), i poezisë së konceptit thellësisht autorial, i eseve dhe refleksioneve filozofike, autor me vetëm 1/3 e opusit të botuar, është një klasik i gjallë që pret lexuesin e vet me humorin dhe groteskun postrablean, me romanet poema dhe lamente, me maskën shumëngjyrëshe të groteskut të modernitetit që na bën të qeshim dhe të qajmë njëkohësisht, me kritikën e totalitarizmit, por edhe me ironinë për gjithë historinë e zhvillimit të njeriut.
