Titulli: Të pafajshmit
Origjinali: Gli innocenti
Gjinia: Roman
Autori: Paola Calvetti
Shqipëroi: Romina Kasharaj
Shtëpia botuese: Living
Viti: 2017
Fq. 140
Pesha: 0.222 kg.
ISBN: 978-9928-21-62-7-4
Mbi librin
Jakobi dhe Dasha, dy zëra të humbur në partiturën e jetës, ngjiten në skenë për të luajtur "Koncertin dysh për violinë dhe violonçel" të Brahmsit, i cili, faqe pas faqeje, shndërrohet në sfondin ku ata ripërjetojnë hapat e historisë së tyre të dashurisë. Por jo gjithmonë dashuria është shpëtimtare, aq më pak kur brenda saj pulsojnë pa pushim plagë të vjetra.
Pas një mungese të gjatë, Jakobi kthehet në Firence, në Institutin e të Pafajshmëve, jetimoren ku u rrit, pasi u braktis nga një nënë e mbetur në hije, zbulimi i identitetit të së cilës, me kalimin e viteve, iu kthyen në fiksim e nuk e linte të jetonte.
Dasha ka lindur në një qytet të vogël në Shqipëri. Falë një babai të devotshëm dhe largpamës, ajo ndoqi Liceun e Tiranës, ku u njoh me violinçelin, i cili do të bëhej shoku i saj i vetëm.
Pas rënies së regjimit, ajo largohet me anije nga Porti i Durrësit, bashkë me instrumentin e saj, dhe zbarkon në Brindisi më 7 mars 1991, bashkë me mijëra refugjatë. Megjithëse iu desh të shkëpuste lidhjet me vendin e saj, muzika bëri mrekullinë: e mbrojti shpirtin e saj delikat e të fortë nga dhembja.
Gjatë koncertit të Brahmsit do të ndodhë diçka e paparashikueshme. Muzika kthehet në jehonë të dashurisë dhe të një zbulimi tronditës që pasohet nga një qetësi magjiplotë, si ajo që mbetet edhe në zemrën e lexuesit.
