Fati është në yje, Nicholas Sparks

Titulli: Fati është në yje
Origjinali: The longest Rid
Gjinia: Roman
Autori: Nicholas Sparks
Shqipëroi: Taulant Hatia
Shtëpia botuese: Bota Shqiptare
Viti: 2015
Fq. 430
Pesha: 0.501 kg.
ISBN: 978-9928-00-097-2

Ky libër është në gjuhën shqipe

Mbi librin

Dy çifte, dy histori dashurie, një rrëfim i shkëlqyer. Një rrugë e mbuluar nga bora, një makinë që humb kontrollin dhe përplaset. Në timon është i moshuari Ira, i cili tani bllokohet brenda, i plagosur dhe i vetëm mes ngricës. Dhimbja nuk e lë të lëvizë kurse qëndrimi zgjuar është një sforcim i pabesueshëm, të paktën deri kur para syve i merr formë një pamje, fillimisht e paqartë, pastaj përherë e më e ëmbël: pamja e gruas së tij të dashur Ruthit.

Ajo e nxit të rezistojë, e mban gjallë duke i treguar historitë që i kanë bashkuar për më shumë se pesëdhjetë vjet: çaste të bukura e të trishtuara, pasione dhe keqardhje, dashuri pa fund. Ai e di që Ruthi nuk mund të jetë aty, por kapet fort pas kujtimeve, emocioneve, fjalëve që shkëmbejnë bashkë.

Jo shumë larg kësaj rruge, jeta e Sofisë po ndryshon përgjithmonë. Universiteti, ish i dashuri tradhtar dhe i dhunshëm, festat dhe shoqet zhduken të gjitha natën me yje kur njeh Ljukun. Dashuria me të është e pashmangshme dhe përfytyrimi i një të ardhmeje ndryshe bëhet një ëndërr e mundur.

Një ëndërr që vetëm Ljuku mund ta bëjë reale. Vetëm nëse nuk e shkatërron e fshehta që mban brenda vetes. Ira dhe Ruthi. Sofia dhe Ljuku. Dy çifte që duket sikur nuk kanë asgjë të përbashkët, që i ndajnë vite dhe përvoja të ndryshme, por që i bashkon fati, në mënyrën më të papritur dhe emocionuese.

Duke na kujtuar se edhe vendimet më të vështira mund të jenë fillimi i një udhëtimi të jashtëzakonshëm, sepse ndjenjat dhe të fshehtat e njerëzve kalojnë nëpër udhë të pamundura që ndonjëherë kryqëzohen sipas përcaktimit të yjeve.

Mbi autorin

Nicholas Sparks u lind në Nebraska në vitin 1965 dhe ka studiuar në Universitetin Notre Dame. Ka shkruar romane të shumtë bestseller të përkthyer në më shumë se dyzet gjuhë dhe është një nga romancierët më të adhuruar në botë me mbi 90 milion kopje librash të botuar.

Nga librat e tij janë realizuar filma të njohur si Mesazh në shishe, Një shëtitje e paharrueshme, I dashur Xhon, Kënga e fundit etj. Gjithmonë në majën e klasifikimeve ndërkombëtare, Nicholas Sparks ka treguar se është mjeshtër i pakundërshtueshëm i ndjenjave dhe librat e tij duhen e pëlqehen nga lexuesit e të gjithë botës. Jeton me të shoqen dhe pesë fëmijët në Karolinën e Veriut.