Titulli: Zemra e vajzës
Origjinali: Change of Heart
Gjinia: Roman
Autori: Jodi Picoult
Shqipëroi: Taulant Hatia
Shtëpia botuese: Bota Shqiptare
Viti: 2015
Fq. 496
Pesha: 0.594 kg.
ISBN: 978-9928-00-109-2
Mbi librin
Xhjuna ka kaluar nëpër vështirësi që as një nënë nuk do t'i donte. 12 vjet më parë i vranë burrin dhe vajzën e vogël. Vazhdoi të jetonte vetëm për hir të fëmijës që mbante në bark. Por tani përballet me humbjen e vajzës së dytë. Klera ka një defekt në zemër dhe, po të mos gjendet një dhurues, do të vdesë.
Kur ofrohet mundësia, duket si mrekulli. Por, Xhjuna mëson se zemra e re do të vijë nga njeriu që vrau dikur motrën e Klerës. Ajo mendon se duhet bërë gjithçka për t'i shpëtuar jetën e vajzës. Po si mund t'i japë së bijës zemrën e një vrasësi?
Komente mbi librin
"Fikni telefonin para se të uleni e të lexoni këtë libër... Është jashtëzakonisht tërheqës."
Eve
"Autorja Picoult ju mban pezull deri në fund të këtij rrëfimi... Një libër që nuk të lë të çohesh nga vendi."
Sunday Express
Mbi autoren
Jodi Picoult është autorja mjaft e njohur e njëzet romaneve. Në vitin 2003 mori çmimin e librit më të shitur artistik nga "New England Bookseller". Ka marrë edhe disa çmime të tjera të rëndësishme nga Shoqata e Librarive, Trusti Margaret Aleksander apo Romancierët e Amerikës. Në vitin 2007 u cilësua si autorja e vitit nga "Waterstone" në Britaninë e Madhe dhe është vlerësuar nga një varg shkollash e revistash të specializuara për letërsinë. Librat e saj janë përkthyer në 34 gjuhë të botës. Jeton në Nju Hempshajër me bashkëshortin dhe tre fëmijët.
