Titulli: Dashuritë e mëdha nuk veshin fustan nusërie
Gjinia: Roman
Autori: Mitsi Valaka
Shqipëroi: Kleo Lati
Shtëpia botuese: Neraida
Viti: 2012
Fq. 400
Pesha: 0.48 kg
ISBN: 978-99956-44-36-9
Fragmente nga libri
U gjenda sërish në një hotel me katër yje, më një burrë që premtonte me garanci një dashuri me katër yje për një javë të tërë. Jorgo dinte të merrte atë që dëshironte. Simonia e dinte se duhej t'i bënte lajka dhe unë kisha mbartur një ëndërr me shkëlqim dhe po vrapoja si e çmendur drejt askundit. Një kurth i rrezikshëm. Por, në fund të fundit, as ajo dhe as unë nuk kishim rezistencën e duhur të mos binim në dashuri me të. Madje, që të jem më e sinqertë, përmes saj dhe për shkak të saj unë e dashurova atë burrë. Më pëlqente imazhi që ajo i kishte krijuar atij për mua dhe më pas më çmendte dëshira erotike që shihja të ndriçonte në atë mënyrë te sytë e tij. Në çdo fjalë dashurie, një ylber. Përreth cepit të syrit të tij vezullonin petale të arta. Kishte momente kur ato petale të arta më magjepsnin aq shumë, sa doja vetëm të mbyllja sytë të mos verbohesha.
Qëndroja për pak çaste e zhytur në kujtimin e së artës dhe pastaj, për disa çaste, errrësirë e plotë, një vdekje e vogël! Për mua ngjyra e dashurisë nuk ishte blu, ishte e qelibartë dhe e artë.
Mbi autoren
Mitsi Valaka lindi në Athinë. Studioi për filologji klasike në Universitetin e Athinës dhe ka dhënë mësim në arsimin e nivelit parauniversitar. Ka kryer studime pasuniverstiare për filozofi. Prej shumë vitesh jeton në Bruksel dhe ka dhënë mësim për gjuhën greke dhe për letërsinë në Universitetin e Brukselit (ULB). Tani punon si specialiste e çështjeve kombëtare në Komisionin Europian në Bruksel.
