Enderrime, Naim Frasheri

Titulli: Ëndërrime
Origjinali: Tehajjulat
Gjinia: Poezi
Autori: Naim Frashëri
Shqipëroi: Vexhi Buhara
Shtëpia botuese: Naimi
Viti: 2012
Fq. 144
Pesha: 0.181 kg
ISBN: 978-9928-109-19-4

Komente mbi autorin

"Kishte gati plot një shekull që përmbledhja poetike "Tehajjulat", një nga perlat e lirikës naimiane, për shkak të barrierës gjuhësore, kishte mbetur e panjohur, thuajse e humbur për lexuesin shqiptar. Studiuesit e Naimit nuk kishin mundur të thoshin asgjë më tepër, veç të pohonin si fakt ekzistencën e saj. Kështu "bukuroshja e fjetur" priste mjeshtrin që do t'i hiqte vellon e misterit dhe do të zbulonte hiret e saj. Ky mjeshtër do të ishte Vexhi Buhara, që e bëri të flasë me shqipen e tij elegante muzën persiane të poetit kombëtar të shqiptarëve. Naimi i "Ëndërrimeve" na duket "tjetër" Naim."

Jorgo Bulo, akademik

"Naim Frashëri mori përsipër të krijojë lexuesin e një letërsie kombëtare, ose, siç shkruante shumë kohë përpara albanologu H. Pederson, t'u jepte bashkatdhetarëve të vet, me "kryeveprat e tij në prozë e në vargje shijen e të lexuarit". Ndonëse kronologjikisht ishte De Rada i pari që e filloi letërsinë moderne shqipe, për shkak të rrethanave historike e letrare Naim Frashëri njihet si themeluesi i saj. Naimi e krijoi Shqipërinë kulturore para se të krijohej Shqipëria politike. Ai u tregoi shqiptarëve se si mund të njehsoheshin si "të vetët", për dallim nga "të tjerët"."

Shaban Sinani, studiues

"Ne i falemi me mall e me nder këtij atdhetari të pavdekur. Kemi shpresë, kemi besë të rrënjuar se një ditë do të vijë që shqiptarët do t'i sjellin eshtrat e Naim Frashërit në atë Shqipëri që e deshi dhe i shërbeu aq mirë. Ahere, nuk do ta përcjellin treqind atdhetarë, por do ta presë një komb i tërë."

Faik Konica